O Complexo Deportivo Rías do Sur de Pontevedra acolleu esta fin de semana o Campionato Galego Infantil de Verán, deixando como campión ao CN Ponteareas. A segunda posición foi para o CN Portamiñá, mentres que o bronce quedou en mans do CN Galaico.
Inés Borge, Uxía González, Naiara Eijo, Rosette Otero, Naroa Estévez, Lara Domínguez, Iria Lemos e Sofía Carballo, as nove nadadoras que competiron co CN Ponteareas, sumaron un total de 14 medallas de ouro, 4 de prata e 2 de bronce, acadando os 477 puntos. Entre elas destaca a vitoria acadada en todas as probas de remudas disputadas durante as dúas xornadas, de sábado e domingo, na localidade de Pontevedra.
A posición de prata do Campionato Galego Infantil de Verán foi para o CN Portamiñá, que acadou os 313 puntos. Como parte deste club, as nadadoras sumaron dous ouros, oito pratas e oito bronces.
Pechando o podio, o CN Galaico sumou 208 puntos, coas MMP de Marta Novo, Sara Tajes, Nadia De la Fuente, Carmen Fariña, Paula Fariña e Aldara Ortego. Ademais, desde o club destacan as medallas de Marta Novo nas probas de 200l, 400l e 800l.
Lucía Villarnovo acada un novo récord galego
No plano individual, destacaron actuacións como a de Lucía Villarnovo, do CN Ferrol, quen foi ouro en 1.500 libres conseguindo a mellor marca galega da súa idade, cun tempo de 18.50.86.
Ver esta publicación en Instagram
Os resultados da clasificación conxunta
No caso da clasificación xeral do Open, o Portamiñá alzouse co triunfo, vencendo con 562,50 puntos. En segunda posición quedou o CN Ponteareas, con 530 puntos, e o CN Fluvial de Lugo pechou o podio, con 505 puntos.
O top 10 continuou co CN Ferrol, o CN Pabellón, o CN Galaico, o CN Arteixo, o RCN Vigo, o Club del Mar e o Vigo Rías Baixas.
