O Consello Municipal do Deporte (CMD) do Concello da Coruña xa ten aos seus vogais elixidos. En total, dez representantes ocuparán estes cargos na Comisión Permanente despois do seu nomeamento nun Pleno extraordinario no Frontón de Riazor. A concelleira de Deportes, Mónica Martínez, declarou que o Consello Municipal do Deporte CMD será “o que o deporte coruñés queira que sexa”.
O Pleno celebrouse en segunda convocatoria despois dunha xornada de votación á que estaban convocadas 131 entidades e persoas do deporte coruñés. A participación nestas eleccións no Pazo dos Deportes de Riazor foi altísima, con 98 votos rexistrados (un 74,8% do total).
Durante toda a xornada foron achegándose as diferentes persoas a votar.
🗳️ Estase a celebrar a elección de vogais da Comisión Permanente do CMD
🟥Na primeira hora votou o 10% do censo
👤 Fernando Blanco, vicepresidente do CMD; Soledad Lema, do Rítmica Milenium; José Luis Garrapucho, do Ximnasio Garrapucho; ou José I. García, do Pelota Coruña votaron pic.twitter.com/qKNabrseww— A Coruña Deportes (@coruna_deportes) May 27, 2021
Mónica Martínez, concelleira de Deportes do Concello da Coruña, que xustamente abría as votacións, declarou que “con este novo paso dado, toca agora organizármonos para poñer en marcha os grupos de traballo. E é aquí onde tocará achegar todo o voso coñecemento, todas as vosas inquedanzas e necesidades para conformarmos as bases do deporte coruñés dos vindeiros anos”.
Mónica Martínez: “Ningún de nós é tan bo como todos nós xuntos”
🗳️ Comeza a xornada de votación
🟥 Elíxense os vogais da comisión permanente do Consello Municipal do Deporte, máximo 1️⃣0️⃣
🟥 Presentáronse 3️⃣1️⃣ candidaturas pic.twitter.com/3hkWSsZmU4
— A Coruña Deportes (@coruna_deportes) May 27, 2021
A isto engadiu que “só desde a idea de grupo, desde o concepto de gremio do deporte coruñés, desde a convicción de que avanzaremos se logramos excluír os individualismos e apostar por todo aquilo que nos e común”, poderanse conseguir os obxectivos propostos. “Ningún de nós é tan bo como todos nós xuntos”, incidiu.
Así se levou a cabo a votación para os vogais do CMD
Cada entidade membro do Consello Municipal do Deporte votou, a través do seu representante acreditado, ata tres candidaturas das 31 presentadas.
As votacións pecháronse ás 18:00 horas e as urnas foron custodiadas polas funcionarias e funcionarios do Concello da Coruña durante a xornada electoral. Estas abríronse durante a celebración do Pleno extraordinario, cando foron anunciados os resultados.
Os vogais elixidos
Foron elixidos vogais da Comisión Permanente do Consello Municipal do Deporte as seguintes entidades:
- CRAT (32 votos)
- Aspronaga (25 votos)
- Coruña Comarca (24 votos)
- San Cristóbal das Viñas (23 votos)
- Ximnasia Coruña (22 votos)
- Club Básquet Coruña (13 votos)
- GRUMICO (12 votos)
- Agrupación de Montañeros Independientes (11 votos)
- HC Liceo (11 votos)
- Galicia Rollers (8 votos)
En nome da presidenta do CMD, Inés Rey, a concelleira Mónica Martínez en calidade de vicepresidenta emprazou ás asistentes á “participación en pé de igualdade da muller no tecido deportivo do deporte coruñés” como “unha das tarefas urxentes a acometer pola Comisión Permanente e os futuros grupos de traballo”.
A igualade no deporte coruñés
Recordando o décimo artigo das normas de funcionamento do Consello Municipal do Deporte, a concelleira recalcou a importancia de incentivar a representación paritaria de homes e mulleres.
Das 104 entidades deportivas que participaron no Consello, 22 escolleron unha muller como representante titular e outras 19 escolleron unha muller como representante suplente.
Destas 104, case unha decena designaron mulleres como titulares e suplentes. Mónica Martínez indicou que “esta tamén é nuha tarefa pendente que máis cedo que tarde debemos corrixir. A maior presenza das mulleres na vida pública é unha das prioridades do goberno que dirixe Inés Rey“.
A concelleira propuxo para o vindeiro mes de xuño unha primeira reunión da Comisión Permanente e anunciou que a data concretarase nos próximos días.
Desde o CRAT Residencia Rialta daban as grazas ao “Deporte Koruño pola confianza na súa candidatura para a Comisión Permanente encabezada por Helen Roca”
👋 Moitas grazas ao #DeporteKoruño pola confianza na nosa candidatura para a, #ComisionPermanete da @coruna_deportes, encabezada pola gran @elenarocamoro, #DT da #FamiliaCRAT 💙
👇Parabens a todos os elexidos 👇 https://t.co/w1gtcMt2Wm pic.twitter.com/BObnIMP4VO— C.R.A.T. A Coruña 😷 (@CRAT1976) May 27, 2021
