Empeza o mes de setembro e con el moitas actividades deportivas retoman a súas rutinas. Unha das entidades que hoxe, mércores 1 de setembro, recupera as súas é o Club Waterpolo Pontevedra que da comezo á tempada 2021-22.
O Club Waterpolo Pontevedra di que espera “retomar a súa actividade competitiva tras 18 meses sen competir en case todas as súas categorías”.
Precisamente tratando de volver xa á normalidade, o club convoca a deportistas e pais/nais para as reunións técnicas informativas de inicio de tempada, onde o corpo técnico presentará os obxectivos e explicará a organización dos adestramentos.
As reunións celebraranse no salón de actos do Edificio Administrativo da Xunta de Galicia da Rúa Benito Corbal, de Pontevedra cumprindo as medidas sanitarias correspondentes.
- 18:00 h Benjamines (2012-13-14…). Nesta categoría tamén están convocados/ as pais/nais de deportistas.
- 18:30 h Alevíns (2010-11). Nesta categoría tamén están convocados/ as pais/nais de deportistas.
- 19:00 h Infantís (2008-09). Nesta categoría tamén están convocados/ as pais/nais de deportistas.
- 19:30 h Cadetes mixto (2006-07). Nesta categoría tamén están convocados/ as pais/nais de deportistas.
- 20:00 h Absoluto Feminino (todas as mozas desde 2006 ata absolutas).
- 20:30 h Xuvenís masculino (2004-05). Está aberta tamén a pais/nais de deportistas que queiran asistir.
- 21:00 h Absoluto Masculino (mozos desde o 03).
As datas e piscinas de inicio de adestramentos aínda están pendentes de confirmación por parte do WP Pontevedra.
Comeza tamén coa captación de novos/ as deportistas para o cal o club anuncia que abrirá as súas portas “para que quen queira probar o waterpolo no mes de setembro poida facelo de forma gratuíta”. Para iso deberán contactar co club a través do teléfono 604 002 018 ou email info@waterpolopontevedra.com.
