O Club Waterpolo Pontevedra non deixa de bater récords nesta histórica tempada na que debutaron en categoría estatal. O último fito das galegas foi rematar a primeira fase da competición no terceiro posto da clasifiación no Grupo A da Primera División estatal feminina.
Neste ano 2023 as xogadoras do Club Waterpolo Pontevedra levan seis vitorias en seis partidos, algo moi difícil nesta categoría, e con máis mérito sendo todas debutantes na Primera División estatal. Non hai outro secreto para o éxito desta grupo que todo o traballo e ilusión que poñen nos partidos e nos adestramentos
Para a segunda volta haberá moitos aspectos para corrixir para poder seguir sendo competitivas, pero o que xa teñen acadado é épico.
Na última xornada da primeira fase, o Club Waterpolo Pontevedra gañaba 7-5 ao AE Santa Eulalia. Deste xeito finaliza en terceira posición esta fase competitiva no Grupo A. As galegas adiantaron ao Leioa.
O Club Waterpolo Pontevedra xogará polo ascenso
O 4 de marzo comezará a segunda fase competitiva na Primera División. Nesta etapa o Club Waterpolo Pontevedra xogará cos oito mellores equipos da categoría. En xogo está acadar unha praza de ascenso a División de Honra.
Dado que se arrastran puntos, nesta segunda fase, o Club Waterpolo Pontevedra parte en sétima posición, con oito puntos, os mesmos que o quinto clasificado (Vallirana) e a só un do cuarto, o UE Horta. A puntuación conseguida na primeira fase entre os equipos deste grupo consérvase.
O primeiro rival das galegas será o CN Molíns de Rei Sintagmia, equipo catalán que finalizou en segundo posto no grupo B. Será o 4 de marzo na piscina da Escola Naval Militar de Marín.
FICHA TÉCNICA
7) CW PONTEVEDRA: Alejandra Gallegos, Uxía Ferreira, Valentina Restrepo (1), Karla Hernández, Iria Amoedo, Rocío Ferreira, Sara Vanegas, Izaskun Tellería (1), Andrea Fernández, Carmen Carrera (2), Irene Esteban y Andrea Andión (3).
5) AE SANTA EULALIA: Judith Agudo, Maylen Sampedro (2), Eire Año, Mar Pavia, Raquel Argente, Jana Ubarti, Ana Arias, Alexandra Carangelo, María Campillo (1), Ariadna García (1), Xenia Cortés, Beatriz Antas, Brooke Tora (1), Kiara Belén y Nicol Jerez.
PARCIAIS: 2-1, 2-1, 2-3, 1-0. FINAL: 7-5
EQUIPO ARBITRAL: Alfredo Gómez González, Omar Piñeiro Martínez e Xavier Godoy Mena.
INCIDENCIAS: Partido correspondente á Primera División do waterpolo feminino disputado na Escola Naval de Marín. Podes consultar aquí o acta do partido na RFEN.
