O Club Marineda Hockey preséntase de cara a tempada 2025-26 cun torneo ao que lle puxeron por nome ‘La Tribuna’ o xornal no que Emilia Pardo Bazán nomeara por vez primeira á cidade da Coruña como “Marineda”.
A Ok Prata será a categoría na que militará o Club Marineda Hockey que nacía o pasado mes de xuño como, din desde o club, “un proxecto cheo de ilusión e gañas e co que aspiramos a manter o hockey feminino coruñés e galego entre os mellores do país”.
Explican desde a entidade herculina que tamén queren ser un “proxecto que quere honrar a unha das nosas mais grandes escritoras e humanistas da nosa terra, Emilia Pardo Bazán, xornalista, autora de novela e ensaio, muller valente e pouco convencional que nunca deixou de reivindicar a capacidade das mulleres para superar os atrancos sociais que impedían a igualdade”.
Nesa liña, contan que neste momento, “142 anos despois de que a escritora nomeara por primeira vez aquela “Marineda” no xornal “La Tribuna” queremos recoller, dalgunha maneira, o seu relevo e poñer o noso grao de area para seguir construindo igualdade. Deporte en igualdade”.
Ver esta publicación en Instagram
Así mañá, domingo 28 de setembro, vaise presentar o Club Marineda Hockey organizando un torneo no pavillón do Agra I da Coruña. O rival será o Traviesas e o horario do partido, ás 12:30 horas.
No descanso do partido haberá unha actuación do grupo de baile Colectivo A Compañía de Oleiros.
