O Cidade de As Burgas afronta o penúltimo partido da tempada fóra de casa. O encontro terá lugar este sábado, 5 de xuño, ás 18:30 horas no pavillón La Granadilla, co Rayo Majadahonda como rival.
O equipo ourensán dirixido por Manolo Codeso xa certificou o seu descenso, polo que competirán nestas derradeiras semanas xa sen nada en xogo.
O Cidade marcha na oitava posición, con 13 puntos e un coeficiente de 0,565 tras tres vitorias, catro empates e 16 derrotas.
Pola contra, o conxunto local, o Rayo Majadahonda segue a ter posibilidades de quedarse na Primera División polo que este sábado estará tamén pendente do resultado do Penya Esplugues ante a Universidad de Alicante e das galegas do Viaxes Amarelle ante o Xaloc Alacant.
Actualmente son cuartas, con 29 puntos e un coeficiente de 1,26. As madrileñas suman nove vitorias, dous empates e 12 derrotas.
Podes seguir o partido en directo vía streaming no Twitch do Rayo Majadahonda.
