O Cidade de As Burgas está desfrutando por fin dun momento doce. As ourensás chegan á terceira xornada da segunda fase cunha vitoria e cunha derrota, pero dunha goleada que as impulsa a seguir sumando. O próximo reto é vencer ao Intersala Promesas no seu campo, este sábado, 10 de abril, ás 19:30 horas.
Na derradeira xornada, cun contundente 9-2 contra o Xaloc Alacant, as de Manolo Codeso deron un paso importantísimo para evitar o descenso, vencendo a un rival directo. Agora, nesta nova fin de semana, as galegas repiten rival directo, visitando ao penúltimo clasificado.
Goleada do Cidade de As Burgas GLS ao Xaloc Alacant, rival directo (9-2)
Así marcha o Cidade de As Burgas na clasificación
Actualmente, o Cidade de As Burgas está na sétima posición, con nove puntos e un coeficiente do 0.529, a dous puntos das antepenúltimas, do Teldeportivo e a tres do Interesala. Pola parte de arriba, están as tamén galegas do Viaxes Amarelle, cun partido máis gañado.
Con todo, o grupo de descenso non fixo máis que comenzar e a zona baixa está moi competida, polo que todo pode pasar na pista do pavillón La Granja.
O encontro poderá seguirse vía streaming a través do Youtube do Intersala Promesas.
