Na Segunda División do Fútbol Sala Feminino da RFEF Grupo 1 houbo sorte dispar para os equipos galegos. Venceron os dous primeiros clasificados nos seus cruces contra outros dous galegos. O que supuxo vitorias para Viaxes Amarelle e Cidade de As Burgas, pero derrotas para o Comarcal A Fervenza e o 5 Coruña FS. Na lista de vencedores desta xornada están tamén o FSF Castro, o Bembrive e o Ourense Envialia. Tamén perdía o Valdetires Ferrol.
Ía por bo camiño o 5 Coruña FS recuperando sensacións e resultados, pero cruzouse no seu camiño un intratable Cidade de As Burgas e as coruñesas volveron á senda da derrota. As ourensás venceron en Novo Mesoiro por 0-3. O Cidade de As Burgas mantense firme na persecución dun Viaxes Amarelle que tampouco falla e que se mantén líder.
Gañou a domicilio o FSF Castro que se impoñía na cancha do Viuda de Sainz Gora por 1-5. Tamén colleitou unha vitoria o Bembrive que recibía ao Spring Cider Rodiles FSF (5-2). A goleada da xornada asinouna o Ourense Envialia B que se impuxo ao AD Mioño por 9-3.
Quen non puido puntuar foi o Valdetires Ferrol FSF que vistou ao UDC Txantrea KKE e caeu pola mínima 2-1.
Resultados 19ª xornada Segunda División FSF RFEF
- 5 Coruña FS – Cidade de As Burgas 0-3
- Viuda de Sainz Gora – FSF O Castro 1-5
- CD Promesas EDF – CD Uni Salamanca 5-0
- Ourense Envialia B – AD Mioño 9-3
- A Fervenza FS – Viaxes Amarelle 1-6
- Bembrive – Spring Cider Rodiles FSF 5-2
Vitoria do Viaxes Amarelle 1-6 ante o Comarcal A Fervenza FSF
