O Cidade de As Burgas caracterízase polo compromiso coa súa canteira e o segue a demostrar cara o curso 2021/2022. O club ourensán vén de renovar por dúas campañas a tres futbolistas, Clara Fernández, Sol Pedrera e Fara Antolín, como mostra do confianza mutua coas xogadoras.
O propio equipo aseguraba en redes sociais que é “un orgullo poder seguir desfrutando delas e verlas medrar como xogadoras e como persoas”. O Cidade de As Burgas define ás súas futbolistas como deportistas dunha “enorme proxección, calidade e compromiso”, motivos que explican esta triple renovación.
Clara Fernández competirá así por sexto ano consecutivo coa camiseta verde. A xogadora de Monforte debutou con 16 anos ás ordes de Manolo Codeso, e xa leva catro tempadas na máxima categoría e participou nunha na Segunda División.
Pola súa banda, as outras dúas renovadas non contan con tanta experiencia na Primeira División. Fara Antolín e Sol Pedrera son dúas das canteiras que puideron debutar esta tempada co equipo de Manolo Codeso.
A base do Cidade de As Burgas GLS, presente e futuro do equipo ourensá
Así sinten Clara, Fara e Sol as súas renovacións co Cidade de As Burgas
Tras o anuncio da triple renovación, o Cidade de As Burgas fixo públicas as sensacións das futbolistas. A xa veterá Clara Fernández mostrouse agradecida, declarando que “renovar significa unha forma de agradecer todo o que traballaron conmigo e a confianza mutua para seguir facéndoo”.
Fara Antolín: “Teño moitas ganas de cumprir os obxectivos tanto meus como do club e seguir aprendendo e desfrutando, que creo que é o máis importante”
Pola súa banda, Fara Antolín mira ao futuro, admitindo que seguir vinculada ao equipo ourensán “significa unha oportunidade para seguir medrando e formándome como xogadora, no club que confiu en min desde o primeiro momento e deume a oportunidade de debutar na Primeira División. Teño moitas ganas de cumprir os obxectivos tanto meus como do club e seguir aprendendo e desfrutando, que creo que é o máis importante”.
Sol Pedrera: “Como en casa en ningún sitio”
A súa compañeira Sol Pedrera coincide en apuntar ao crecemento propio e do Cidade: “Renovar co meu club significa seguir medrando e cumprindo novas metas coa xente que o apostou todo por min. Como en casa en ningún sitio”.
RENOVACIONES@claraafernndez @_faraantolin_ y @soolpedrera seguirán 2 temporadas más con nosotros.
Jugadoras con una enorme proyección, calidad y compromiso.
Un orgullo poder seguir disfrutando de ellas y verlas crecer como jugadoras y como personas.
Gracias por seguir confiando pic.twitter.com/l3ifEHy9A5— Cidade de As Burgas FS (@cidadeasburgas) May 13, 2021
