En Ourense o Cidade de As Burgas GLS precisaba sumar xa tres puntos para ter un pé na salvación, pero perdeunos ante un rival directo que non coñecía a vitorai ata a súa visita ao Paco Paz. Foi o Teldeportivo, que se levou este pulso do pozo da Primeira División cun 2-4 final.
Ambos conxuntos eran conscientes do que estaba en xogo, e sobre o parqué se puido ver a dous equipos loitadores e de forzas igualadas.
Nas primeiras xogadas ningún dos dous conxuntos sobresaíu sobre o rival. O Cidade era superior en posesión, pero o Teldeportivo non daba opcións en defensa. Así, o marcador non se abriría ata o minuto 8, cando Karla Ticona robou un balón para cedelo a Montufo, que puxo o 0-1.
Este gol provocou un desnivel no equilibrio de poder, dando forza ás canarias e paralizando ás galegas. Porén, o equipo de Manolo Codeso aguantou a pegada visitante e o descanso chegou sen máis tantos no electrónico.
Tras o parón, o equipo de Cristina Gimeno saíu con máis garra á pista e transformou a súa enerxía e dous goles, sen que o Cidade puidera facer nada para impedilo. Montufo de novo e Marta Gallegos despois puxeron o 0-3 no electrónico ourensán.
As locais estaban tocadas, pero aínda non afundidas. Porén, as visitantes aproveitaron o baixo momento das galegas para facer máis grande a ferida e anotar o cuarto no minuto 26, obra de Vanessa.
Porén, o Cidade demostrou que non estaba todo dito e que non se ían render facilmente. Con axustes na defensa, lotiaron polo empate, pero con pouco acerto. A reacción ourensá chegou, pero o fixo tarde.
Sol Pedrera foi a autora dos dous tantos locais, tanto na execución como nas xogadas previas. Seguíronno intentando as locais nos minutos finais, indo á desesperada a polo empate.
Finalmente este non chegou, e o marcador quedou conxelado no 2-4, cunha dolorosa derrota para o equipo de Codeso, que mantén a penúltima posición, pero só a dous puntos do Teldeportivo.
FICHA TÉCNICA
2) CIDADE DE AS BURGAS: Ana, Clara, Sonia, Fara e Lucia –quinteto inicial-. Tamén xogaron: Sol, Amelia, Nahir, Aroa e Canolich.
4) TELDEPORTIVO: Marta, Judit Collado, Vanessa, Gallegos e Montufo –quinteto inicial-. Tamén xogaron: Idoya, Karla Ticona e Judit Dámaso.
GOLES: 0-1; min. 8: Montufo. 0-2; min. 21: Montufo. 0-3; min. 21: Marta Gallegos. 0-4; min. 26: Vanessa. 1-4; min. 31: Sol. 2-4; min. 39: Sol.
ÁRBITROS: Menéndez Mistal e Vilas López, do colexio galego.
INCIDENCIAS: Partido correspondente á 15ª xornada do Grupo A da Primeira División Nacional Feminina de Fútbol Sala RFEF, disputado no Pavillón Paco Paz de Ourense a porta pechada polas restricións autonómicas por mor da COVID-19.
