O Cidade de As Burgas viuse obrigado a rematar a primeira parte competitiva cun partido menos, e finalizando como colistas, polo que esta fin de semana iniciarán a loita pola permanencia ante o Universidad de Alicante. O partido será este sábado, 27 de marzo, ás 18:00 horas no pavillón universitario.
Debido á súa clasificación ao remate da primeira fase, quedando na última posición do Grupo A con 6 puntos, o Cidade de As Burgas competirá no grupo D para evitar o descenso de categoría. As de Manolo Codeso tiveron que despedir esta parte inicial da competición cun partido menos xogado, ao non poder recuperar o encontro ante o Penya Esplugues, que detectou un gromo no seu plantel.
O primeiro paso do Cidade para salvar a Primeira División, será ante o mellor clasificado da segunda metade do Grupo B, un Universidad de Alicante que rematou na quinta posición con 24 puntos.
En total, as alicantinas venceron en sete partidos, fronte a única vitoria galega, e empataron o mesmo número de veces, en tres ocasións. No relativo aos goles a favor e en contra, os números das locais tamén son mellores. O Universidad de Alicante anotou 14 tantos máis, mentres que o Cidade de As Burgas encaixou case tres veces máis que as alicantinas.
