O Cidade de As Burgas protagonizará toda unha loita pola permanencia no Centro Insular de Deportes fronte ao Gran Canaria Teldeportivo. O partido ten fixado o inicio para as 16:30 hora peninsular.
Ambas as dúas escuadras saltarán á cancha á procura da súa primeira vitoria no que vai de tempada no Subgrupo A da Primeira División Feminina do Fútbol Sala da RFEF. Conquerirán sumar ese ansiado triunfo as ourensás? Ou caerá a vitoria do lado das xogadoras que adestra Cristina Gimeno? A terceira opción, o empate, non beneficiaría a ningún dos dous equipos.
O bloque das galegas, que adestra un ano máis o técnico Manolo Codeso, está conformado por unha mezcla de veteranía e xuventude que constitúe unha aposta de futuro do club que buscou na base as incorporacións deste ano.
Sobre o equipo ourensá do Cidade de As Burgas, a adestradora do conxunto grancanario, Cristina Gimeno, sinalaba na web do Teldeportivo que é un “rival que sempre está moi vivo nos seus partidos. Aúnan veteranía e xuventude e iso fai que compitan ben. Teñen xogadoras moi determinantes e loita ata o último segundo”.
Neste desprazamento no viaxan no Cidade de As Burgas as seguintes futbolistas: África (lesionada), así como, Nahir Oliveira, Mariola e Lu Vázquez.
CONVOCATORIA
Esta tarde @mcodeso no podrá contar con todas sus jugadoras, pero las que están lo darán todo para llevarse los 3 puntos pic.twitter.com/LWdEhhfdTI— Cidade de As Burgas FS (@cidadeasburgas) November 21, 2020
