A primeira fin de semana de marzo chega con campionatos importantes no atletismo galego. O CGTD de Pontevedra será o escenario que acolla desde este sábado, día 6, os Campionatos de Galicia de Lanzamentos Longos e os de medio fondo e fondo sub16 e sub18, organizados pola Federación Galega de Atletismo.
A partir das 10:00 horas compiten as atletas de fondo. Na categoría femenina dos 1.000 m. estará sobre o tartán pontevedrés Xela Martínez que a semana pasada en Lugo estabrecía un novo récord galego sobre esta mesma distancia con 2:50.4.
Os 3.000 m. contarán con o mesmo que Sara Guedes da Atlética Lucense como favorita na categoría feminina. Na mesma proba pero na categoría sub18 estará Anxela Seoane do Ourense Atletismo quen acude ca mellor marca das participantes.
Nos 800 m. será interesante ver as evolucións nas mulleres de Degnesh Mato do C.A.Santiago e de Uxía Rodríguez do Trega. Para 1.500 m. as actuacións máis esperadas serán as de Marcela Morgado do Trega, Carolina Santos do Ria Ferrol e Paula Cabaleiro do Atletismo Tui.
As lanzadoras
Paralelamente dispútase o campionato de lanzamentos longos, onde estará a xoven promesa do AVA e campioa de España de lanzamentos de menores recentemente en Castellón Marta Neira, competirá no concurso de martelo.
No lanzamento de disco a competición estará moi axustada entre María Ezquerro do C.A.Sada e Victoria Eiriz da Atlética Lucense, quen conseguiría esta mesmo ano a súa MMP con 38.77.
Pero o prato forte desta intensa xoranda de atletismo será a xavelina, co concurso da medallista de bronce nos pasados campionatos de España de lanzamentos longos de inverno Carmen Sánchez do Unicaja Jaén. Xunto ela estarán lanzando Ivanna Carolina Román do Ría Ferrol 4ª clasificada nese mesmo campionato e Andrea González da Gimnástica, 9ª.
De igual modo tamén estarán no corredor de xavelina as célticas María Pena e Paula Piñón, subcampioa de España e finalista respectivamente do Campionato de España de lanzamentos de menores.
Consulta nesta ligazón a lista de saída dos participantes.
Outras citas
A partir das 17:00 horas, na mesma pista pontevedresa, celebrarase o III Control FGA de inverno de atletismo.
Lugo pola súa banda, organiza tamén este sábado e a partir das 10.30 horas, a 2ª xornada da Copa Deputación de Lugo de aire libre,contando Ourense de igual modo cunha interesante oferta competitiva da man do II Trofeo + Deporte la Región en Pista Cuberta que se desenvolverá ao longo da mañá do domingo.
