O Celta Zorka Recalvi adxudicouse o triunfo no duelo de rivalidade provincial diante do CB Arxil de Pontevedra. As viguesas amosaron dúas caras opostas. Unha na primeira metade, e outra moi diferente na segunda.
Foi logo do descanso cando Celta Zorka Recalvi soubo entender o partido, enmendar os seus erros e reconducir o choque ao seu favor ata darlle a volta ao partido e vencer ao CB Arxil.
O encontro comezou con domino das locais. O CB Arxil presentaba un xogo veloz, dinámico e incisivo. As de Pontevedra dominaban o rebote e despegaban no electrónico. Ao final do primeiro cuarto vencía por méritos propios cun tanteo de (23-14).
No segundo cuarto as celestes acadaro un parcial de 0-4 pero non foron quen de manter ese ritmo. As locais responderon cun de 11-0. Nervios e precipitacións nas xogadoras que adestra Cristina Cantero. Semellaban perdidas as viguesas. Chegouse ao descanso cun marcador de (43-27) favorable ás locais.
O paso por vestiarios foi un revulsivo para o Celta Zorka Recalvi que empezou a capturar rebotes e a facer da zona a súa mellor aliada.
Chegouse ao último minuto con cinco puntos de vantaxe para as visitantes. Apretaron as de Maite Méndez cun triple de Margarita Moreira, pero as de Vigo sentenciaron cun tiro libre. O marcador final: 62 a 67.
FICHA TÉCNICA
CB ARXIL (62): Carla Fernández (8), María Lago (9), Noelia Masiá (9), Heather Forster (13), Bineta Ndoye (1) -cinco inicial– Cristina Díaz-Pache (6), Margarita Moreira (12), Natalia López (0) e Sara Castro (4).
CELTA ZORKA RECALVI (67): Mariona Martín (3), Celia García (15), Rose Marie Julien (15), Maja Stamenkovic (19), Marita Davidova (7) -cinco inicial- Ainhoa Lacorzana (1), Noa Comesaña (6), Florencia Niski (0) e Angela Coello (1)
PARCIAIS: 23-14, 20-13, 10-22 e 9-18.
ÁRBITROS: Diego Fernández Requejo E Martín Trasancos Blanco. Sinalaron 24 faltas ao CB Arxil e15 ao Celta Zorka Recalvi.
INCIDENCIAS: Partido correspondente á 3ª xornada da Liga Femenina 2 no seu Grupo A. Disputouse no Pavillón de La Juventud do C.G.T.D. de Pontevedra cun aforo reducido a 60 personas por mor das restricións a causa da pandemia de COVID-19.