O Celta Zorka Recalvi defendeu nesta sexta xornada de Liga Feminina 2 fronte ao Vega Lagunera Adareva Tenerife a súa segunda posición na clasificación, cun encontro que lideraron durante todos os cuartos agás no último, cando as visitantes pelexaron polo resultado. Finalmente o marcador rematou cun 71-59, a terceira vitoria en casa para o equipo vigués.
Costou que arrincase o partido. Os primeiros minutos non foron de acertos, nin para locais, nin para visitantes, xa que ata o minuto catro do partido o marcador non se moveu. A partir dese momento, as xogadoras do Celta lideraron na pista acadando a vitoria no primeiro cuarto (16-10), que se afianzaría no segundo, pero cunha diferenza menor sobre as canarias (16-13).
Porén, as laguneras non baixaron os brazos e seguiron apretando na segunda metade mentres que o Celta atascábase nas xogadas de ataque. O terceiro parcial foi de novo para as galegas, que venceron 21-18, o que lles permitiu gañar o partido a pesar de que o último cuarto estivese moi igualado entre ambos conxuntos.
A protagonista do encontro foi a celtista Maria Davydova, responsable de 14 puntos e 9 rebotes, que suma 26 puntos de valoración.
Esta xornada serviu para confirmar a boa tempada que está a facer o equipo vigués e que terá que manter os próximos días con dous encontros no País Vasco: O primeiro fronte ao Askoitia Azpeitia ISB o domingo, 15 de novembro, e o segundo contra o GDKO Ibaizábal, partido aprazado da primeira xornada e que celebrarase o martes, 17 de novembro.
FICHA TÉCNICA
71) CELTA ZORKA RECALVI: Celia García (14), Margarita Davydova (14), Maja Stamenkovic (15), Mariona Martín (5), Makeba Julien (15) – quinteto inicial -. Tamén xogaron: Ainhoa Lacorzana (2), Noa Comesaña (-), Lucía Fontela (2), Florencia Niski (4) e Ángela Coello (-).
59) VEGA LAGUNERA ADAREVA TENERIFE: Alima Dembele (19), Sendy Genesis Basaez (14), Noelia Ibañez (-), Isabel Martínez-Vara (9), Laura Ilunga (4) –quinteto inicial -. Tamén xogaron: María Luque (7), Aroa Villa (2), Yamile Mireya Rodríguez (4) e Ainhoa Negrín (-).
PARCIAIS: 16-10, 16-13, 21-18 e 18-18
ÁRBITROS: Jorge González e Andrés Esteban. Sinalaron 10 faltas ao Celta Zorka Recalvi e 14 ao Vega Lagunera Adareva Tenerife.
INCIDENCIAS: Partido correspondente á sexta xornada da Liga Feminina 2 disputado no pavillón de Navia en Vigo a porta pechada.
