A sorte non acompaña ao Celta Zorka Recalvi nas viaxes lungas. Ata a sétima xornada da Liga Feminina 2, as galegas solo perderan contra o Extremadura Miralvalle Plasencia. Agora, a esta derrota súmase a cosechada contra o Azkoitia Azpeitia ISB, no que é o primeiro partido en terras vascas destes días.
O encontro entre ambos conxuntos estivo moi igualado, pero finalmente a defensa local terminou por decantar o partido. O Celta Zorka comezou con ganas, conseguindo un 0-5 nos primeiros minutos de xogo, pero as locais conseguiron facerse co primeiro cuarto, cun 22-17.
O pulso mantívose no seguinte parcial, coas galegas adiantándose no marcador 13-23, grazas ás accións ofensivas lideradas por Ainhoa. A base logrou anotar 20 puntos, no que foi o seu mellor partido desde a operación que se lle fixo a comezos do 2019 por unha lesión. Estes foron os mellores minutos para as celestes, que comezaron a anotar con fluidez, chegando ao medio tempo 35-40.
O partido mudou tras o paso por vestiarios
Todo cambiou á volta do descanso. Os primeiros minutos seguiron en mans celestes, pero o equipo local conseguir recompoñerse e iniciar a remontada. As vascas lograron catro triples, tres deles de Green, na última parte do terceiro cuarto, cun resultado de 21-13. O último parcial deixaba aberto quen se levaría os dous puntos.
Ese último tempo comezou dominado pola mínima polo Celta Zorka, chegando a tres últimos minutos do final cunha vantaxe 62-64. O Azpeitia espabilou tras unha antideportiva sinalada sobre Iparaguirre e as vascas melloraron tanto o seu ataque como a defensa, cambiando o marcador a 70-64 a un minuto do final. Estes últimos momentos frenéticos resultaron finalmente nunha derrota para o Celta Zorka, que perde así a segunda posición que mantiña na táboa.
As galegas teñen unha nova oportunidade de remontar nos postos da clasificación o martes, 17 de novembro, contra outro vasco, o GDKO Ibaizábal, polo partido aprazado da primeira xornada.
Nuestro equipo prepara ya su partido de este martes. Sincero agradecimiento a @GKesb por todas las facilidades dadas para realizar el entrenamiento matinal hoy en #Maloste.
Eskerrik asko, amigos!!#VoltanOsLatexos#LF2 pic.twitter.com/81zcyCGOcK— CELTA BALONCESTO 💙 (@Celtabaloncesto) November 16, 2020
FICHA TÉCNICA
73) AZKOITIA AZPEITIA ISB: Morgan Green (21), Sara Iparaguirre (18), Alazne Lizundia (-), Crystal Primm (7), Margarite Effa (-) – cinco inicial -. Tamén xogaron: Saioa Altzaga (15), María Otaegi (-), Intza Lizarazu (12) e Paula Sanjuán (-).
66) CELTA ZORKA RECALVI: Mariona Martín (6), Celia García (8), Rose Marie Julien (3), Maja Stamenkovic (4), Marita Davydova (19) – cinco inicial -. Tamén xogaron: Ainhoa Lacorzana (20), Noa Comesaña (-), Lucía Fontela (3), Florencia Niski (3) e Angela Coello (-).
PARCIAIS: 22-17, 13-23, 21-13 e 17-13.
ÁRBITROS: María Teresa Gutiérrez Alemán e Jon Barradas Sesma. Amonestaron 17 faltas ao Azkoitia Azpeitia ISB e 17 faltas ao Celta Zorka Recalvi.
INCIDENCIAS: Partido correspondente á sétima xornada da Liga Feminina 2 disputado no polideportivo de Azpeitia.
