Quince días é o tempo que tiveron que estar as xogadoras do Celta Zorka Recalvi lonxe das pistas. Dous casos positivos en COVID-19 alonxaron ás celestes do terreo de xogo pero esta fin de semana xa están listas para volver. O farán visitando ao Vega Lagunera Adareva Tenerife o sábado, 6 de febreiro, ás 13:00 horas.
Este luns as celestes reencontráronse co balón volvendo ao traballo. O Celta adestrou nunha triple sesión coas novidades de Lacorzana e Motley, que se integraron sen problemas nas dinámicas de grupo.
A primeira delas sufriu unha lesión que a mantivo de baixa desde decembro ata agora. A súa operación foi un éxito e a xogadora xa está recuperada para competir.
Pola súa parte, a estadounidense é a última fichaxe das galegas. Motley xa formara parte do club vigués hai un par de tempadas e este sábado podería volver a competir coa camisola celeste.
Las instalaciones de Savino del Bene acogieron esta mañana la presentación oficial de Adrienne Motley como jugadora de Celta Zorka Recalvi.
💙Welcome Mot!!
📷@Raul_Rguez_ pic.twitter.com/HQu5xLTusv
— CELTA BALONCESTO 💙 (@Celtabaloncesto) February 4, 2021
Un rival accesible para o Celta no seu retorno
O partido desta fin de semana será todo un reto, pero máis no terreo físico que no competitivo. Despois de dúas semanas de parón, as celestes deberán retomar o ritmo, pero o farán ante un rival a priori de menor nivel.
As canarias do Adareva ocupan a oitava posición na táboa da Liga Feminina 2 e veñen de ganar a outro club galego, o Maristas Coruña.
Menos sorte tiveron no partido de ida ante as celestes. Na primeira volta, o Celta Zorka Recalvi fíxose co partido gañando por doce puntos e sen ceder ningún cuarto ás canarias. Só nos instantes finais as entón visitantes tiveron un acerto moi parello, pero non suficiente para remontar.
As galegas estaban en racha antes da pausa forzada
Antes de ter que poñer en pausa a competición regular polos positivos detectados no club, as viguesas ás ordes de Cristina Cantero levaban acumuladas catro vitorias consecutivas.
Así, as agora visitantes non coñecen a derrota desde o pasado 13 de decembro, cando perderon o derbi ante o BAXI Ferrol, nun espectáculo do baloncesto galego.
O Celta, con dous partidos menos disputados, está tres postos por riba das locais e acumula 28 puntos. Malia o parón, as viguesas seguen sendo firmes candidatas a ocupar os primeiros postos e sitúanse a oito das líderes, o BAXI Ferrol, cinco das segundas, o Ardoi e catro das terceiras, o Azkoitia Azpeitia.
Ademais ten pendentes dous encontros que poden determinar o seu futuro. Un dos partidos que tivo adiar polo seu illamento foi contra a AD Cortegada, penúltimo clasificado e, no momento actual, o equipo en peor racha.
O outro duelo que quedou en stand by foi o que as enfrontaba ao Miralvalle, rival directo para ter opcións ao ascenso, e que suma un punto máis que o Celta.
