Catro fichaxes e polo menos seis renovacións confirmadas a maiores da de Cristina Cantero que seguirá á fronte do banco celeste. O Celta Zorka Recalvi ten ca catro caras novas para a tempada 2023-24 coas fichaxes de Robyn Benton, Clementine Samson, Trahan-Davis e Maimouna Hidara. E tamén renovou a Elba Garfella, Regina Aguilar, Musa, Laura Prats, Sara Vidal e Anne Senosiain.
A última incorporación á familia celeste é a escolta Robyn Benton. Cristina Cantero contará coa xogadora estadounidense para este regreso do equipo olívico á Liga Endesa. O Celta Zorka Recalvi anunciaba hoxe a súa fichaxe. Chega ao equipo galego desde o Kentucky Women´s Basketball.
Así se desenvolve sobre a pista Robyn Benton.
Ver esta publicación en Instagram
A francesa Clementine Samson, que xoga como alero, é unha das caras novas que se suman ao Celta Zorka Recalvi para a tempada 2023-24 na que o club vigués retorna á elite do basket feminino español. Chega de xogar en Francia, no Tarbes.
O Celta Zorka Recalvi fichou para o vindeiro curso a Trahan-Davis, unha a-pívot de USA que conta cunha importante traxectoria no baloncesto europeo. Ten disputado Euroliga, EuroCup e chega a Vigo a loitar pola camisola dun equipo con aspiracións moi diferentes das que está afeita, pero que igualmente constitúen un reto maiúsculo. Xoga como catro e é boa no rebote. Chega procedente do Valencia Basket.
Na lista de fichaxes está tamén a alero Maimouna Hidara (Mali). Con so 19 anos é campioa de África coa súa Selección, Mali. Xogou a pasada tempada en Liga Challege co Vega Lagunera Toyota Adareva. Antes militou no Clarinós Tenerife e no Magectías.
As xogadoras que continúan no Celta
Anne Senosiain continuará na tempada 2023-24 no Celta Zorka Recalvi. A xogadora liderará desde o posto de base o barco celeste. A traxectoria de Anne Senosiain comezou nas filas do club de Oncineda (Estella) preto da súa Arizala natal. Xogou no Araski, Celta Zorka Recalvi (2016-20), CAB Estepona (2020-21) e CB Clarinos (2021-22). Na tempada pasada retornaba ao conxunto da cidade olívica para unha segunda etapa no club celeste que este curso terá continuidade. Será a súa sexta tempada en Navia.
Outra que seguirá lucindo a elástica celeste será a canteirana Sara Vidal (Nigrán, 2001). A capitá asinou a renovación e sumará a súa tempada 10ª co Celta Zorka Recalvi.
Tamén seguirá no Celta Zorka Recalvi a base barcelonesa Regina Aguilar (Sant Quirze del Vallés, 1997). Previamente xogara no Barça CBS. Trátase dunha base con gran tino no xogo exterior. Unha líder na pista que deixou clara a súa pegada na fase onde rematou como MVP.
A pívot Murjanatu Musa (Nigeria, 2000) e outra das xogadoras que se manterá baixo a batuta de Cristina Cantero a vindeira tempada. Musa é un must en Navia.
Seguimos coas xogadoras que repiten co Celta Zorka Recalvi e chegamos a Elba Garfella. A pivote de Manises chegou hai un ano do Valencia Basket e repite coa camiseta celeste agora na máxima categoría do baloncesto feminino estatal.
Laura Prats está chea de ganas para poder demostrar sobre a pista todo o que a lesión non lle permitiu o pasado curso co Celta Zorka Recalvi. A escolta de Guadalajara tivo unha rotura de ligamento cruzado anterior (LCA) que a fixo perder a tempada enteira. Con todo, a súa achega desde fóra da pista fixo dela unha máis do equipo.
