Despois do triunfo logrado a semana pasada ante o Lima Horta Barcelona, o Celta Femxa Zorka acadou unha nova e cómoda vitoria fronte ao Toyota La Laguna Adareva (61-41) no seu feudo.
Era a segunda vez que o conxunto celeste se medía ás canarias en LF Challenge; na ocasión anterior, a balanza inclinouse do lado do conxunto tinerfeño pola mínima (70-71).
Ver esta publicación en Instagram
Este novo triunfo mantén ás celtistas na segunda posición da táboa clasificatoria, cun total de 19 puntos, a só 1 do Azulmarino Mallorca Palma, que encabeza a clasificación. Malia que o Femxa Zorka suma nove vitorias e tan só unha derrota nesta tempada, o cadro balear permanece invicto e é, sen dúbida, o seu maior rival a batir.
Acadar o título ligueiro é un escenario probable para as viguesas, tendo en conta que aínda faltan por disputarse numerosos encontros e que todo pode pasar. Polo de agora, o máis importante para o cadro galego é non volver a tropezar e continuar sumando resultados positivos para achegarse cada vez máis ao liderato.
As celestes medirase a La Cordá de Paterna NB o vindeiro domingo 7 de decembro, ás 11:00 horas, no Pabellón Municipal Paterna (Valencia).
Ver esta publicación en Instagram
FICHA TÉCNICA
PARCIAIS: 15-13, 23-9, 9-10 e 14-9
EQUIPO ARBITRAL: Alejandro Pellitero González e María Muñoz Herrera.
INCIDENCIAS: Partido correspondente á décima xornnada da LF Challenge, disputado no Pabellón de Navia (Vigo).
RESULTADOS DA XORNADA DA LF CHALLENGE
- SERNOVA RENOVABLES REAL CANOE – C.B. SANTFELIUENC 67-51
- AZULMARINO MALLORCA PALMA – LIMA HORTA BARCELONA 100-69
- RECOLETAS ZAMORA – CAJASOL BALONCESTO SEVILLA FEM 70-53
- FUSTECMA NBF CASTELLÓ – DOMUSA TEKNIK ISB 70-53
- MELILLA CIUDAD DEPORTE LA SALL – BOSONIT UNIBASKET 68-65
- OSES CONSTRUCCIÓN – LA CORDÁ PATERNA NB 62-49
- FEMXA ZORKA – LA LAGUNA TOYOTA ADAREVA 61-41
- ALTER ENERSUN AL-QAZER EXT. – UNICAJA MIIJAS (sen disputar)
Rolda de prensa de Cristina Cantero, adestradora do Celta
Ver esta publicación en Instagram
