O CBS Cambre non pode co líder invicto (0-8) (0-5)

Non hai rival para o CBS Rivas e as galegas do CBS Cambre tampouco foron capaces de vencer ao líder. Os partidos, disputado na cambresa Acea da Ama, finalizaron cun 0-8 e un 0-5, deixando ver sobre o terreo de xogo a un cadro local que loitou ata o final.

O rival das galegas nesta fin de semana non coñece a derrota desde hai tres tempadas. Malia o seu gran nivel, o CBS Cambre foi quen de aguantar o ritmo, obrigando ás madrileñas a sentenciar os encontros nas fases finais. Tras estes resultados, o club cambrés é oitavo, con seis vitorias e oito derrotas.

CBS Cambre vs CBS Rivas / CAMBRE — CBS Cambre vs CBS Rivas / CBS

Toda a xornada disputada en terras galegas estivo dominada polas lanzadoras visitantes, que tiveron que esforzarse para impoñerse a unha forte defensa local. O serio traballo en equipo e unha gran actuación nas xogadas defensivas non foron suficientes para rabuñar puntos, pero si para dar unha gran imaxe e acumular boas sensacións cara as seguintes xornadas.

No club coruñés destacaron especialmente a lanzadora Laura Otero, mantendo a raia ás bateadoras madrileñas, e Marta Rey e Irene Vila, autoras de dobre-plays, para deleite da afección local.

O seguinte rival das galegas será o CBS Antorcha Sófbol, en Valencia, nunha dobre xornada que se disputará o 30 de maio.

Podes consultar nesta ligazón as estatísticas do primeiro partido e nesta os datos do segundo. Ademais, ambos partidos foron retransmitidos vía streaming na canle de Youtube do club galego, e podes revivir os dous encontros aquí: