Quenda para o CBS Cambre de Sófbol, que inaugura a competición doméstica de 2020 co partido en Acea de Ama (Culleredo) este sábado ás 13:30 horas, no que se enfrontarán a un rival directo como é o CBS Antorcha Valencia.
As rapazas que dirixe Enrique Expósito buscarán mellorar os resultados da pasada campaña, cun bloque técnico e táctico máis sólido e traballado. Segundo explica o adestrador das cambresas: “Temos moi boas sensación. Estivemos entrenando moi ben, a pretempada resultou óptima para nós e todo o equipo medrou en madurez. Estamos preparadas para realizar un bo papel”.
Enrique Expósito, adestrador do CBS Cambre de Sófbol: “Estivemos entrenando moi ben, a pretempada resultou óptima para nós e todo o equipo medrou en madurez. Estamos preparadas para realizar un bo papel”.
Respecto ao enfrontamento desta fin de semana, o técnico resaltou que “sabemos do complexo que vai resultar este encontro. Elas reforzáronse moi ben. Teñen unha pitcher nova que é internacional e un equipo moi sólido”.
O CBS Cambre Sófbol confía no aporte de xogar na casa
Enrique Expósito, adestrador do CBS Cambre Sófbol, destacou que as súas rapazas desenvolveron novas modalidades de xogo coas que confían acadar bos resultados, e competir en calqueira circunstancia. Unido a isto, xogan na casa, “e iso sempre é un empuxe engadido”, concluía Expósito.
