A decimoterceira xornada da Liga Feminina 2 enfronta no Grupo A ao CB Arxil a viaxar a Navarra para enfrontarse ao Osés Construcción Ardoi hoxe, sábado 19, ás 18:00 horas no pavillón polideportivo municipal Zizur Mayor. Arbitrarán o cruce os colexiados Fernando Martínez Estopiñán e Javier Cortes cameros.
O CB Arxil, 12º con tres partidos gañados por sete perdidos, afronta unha das fines de semana máis difíciles da competición nesta LF2. Tócalle visitará a un dos rivais máis complicados do seu grupo, o Osés Construcción Ardoi. As navarras son terceiras con dez partidos gañados por so dous perdidos. Reciben ás galegas logo de gañar de xeito consecutivo o sábado pasado en Santiago de Compostela ao Ulla Oil Rosalía e o domingo ao conxunto da AD Cortegada.
O CB Arxil viaxou o venres a Navarra
As xogadoras que adestra Maite Méndez viaxaron o venres a Navarra xa que este é o desprazamento máis longo en autobús para as galegas. Pese ao complicado do rival, o CB Arxil afronte esta 13ª xornada no Grupo A da LF2 con optimismo tras romper a serie de derrotas ante o ADBA o pasado sábado. O equipo pontevedrés é consciente da dificultade do partido e para iso viaxou cun día de marxe para estar nas mellores condicións para afrontar este compromiso.
As pontevedresas recuperaron confianza no seu xogo de ataque , á vez que melloraron moito no estado anímico. Así, aínda que teñan diante as terceiras clasificadas do se grupo, as xogadoras verdes darano todo para tentar sumar unha vitoria que lles faga acabar o ano da mellor maneira posible.
O equipo navarro Osés Ardoi é un dos conxuntos que a principios de tempada estaba chamado a formar do grupo de favoritos e non está a defraudar as expectativas dos seus seguidores. É a súa terceira tempada en Liga Feminina 2, cun rendemento crecente. Na primeira terminou en quinta posición no grupo A (17-9) tras un comezo espectacular (8-0). Na seguinte, encaixado no grupo B, no momento da suspensión as navarras pelexaban polo máis alto da táboa (2º, 17-4) e clasificado virtualmente para a fase de ascenso.
O Ardoi conta cunha rotación ampla
O Osés Construcción Ardoi ten configurado a tempada de tal maneira que a palabra equipo adquire o seu total significado. Con dez fichas senior, a repartición de minutos entre as súas xogadoras coloca á máxima xogadora en pista durante 26 minutos. A ampla rotación permítelle ao seu adestrador manter un alto ritmo defensivo, sendo un dos equipos que menos puntos encaixa, polo que se presume un partido de baixo tenteo.
A líder en pista do Osés Construcciones Ardoi é a xogadora Amaya Gastaminza. A pamplonica, que atesora na súa carreira deportiva máis de 200 partidos en competicións FEB, retornou á súa casa a tempada pasada tras oito cursos militando na Liga Endesa e formación previa en Siglo XXI. Actualmente Amaya Gastaminza é a máxima anotadora navarra con un total de 12,2 puntos. Pero non é o único perigo do conxunto local.
Esta tempada está a brillar especialmente Tamara Montero. No xogo interior, a dupla Déborah Ayela , Diana Cabrera domina xunto a Gastaminza a pintura, sendo un equipo rochoso no seu xogo interior. En resumo, un rival de envergadura, candidato a todo nesta tempada e dirixido por segunda tempada por José Javier Unzué.
Plantilla do Osés Construcción Ardoi 2020-21
- 5.- Eva Cases. 21 min, 8,7 pts. 1.6 rebotes.
- 6.- Alazne Vicente. 18 min. 2,3 pts 2,4 rebotes.
- 7.- Diana Cabrera. 26 min. 8,9 pts 7.6 rebotes. Argentina
- 9.- Amaya Gastaminza. 25 min. 12,2 pts 6 rebotes.
- 10.- Tamara Montero. 25 min. 10,2 pts 3,1 rebotes.
- 12.- Irenzuy Echeverría. 26 min 6,7 pts. 3,6 rebotes.
- 13.- Itziar Arregui. 19 mins. 5 pts. 2,6 rebotes. 2 asistencias.
- 14.- Deborah Ayela. 19 min. 7,7 pts. 5,7 rebotes.
- 18.- Andrea Tollar. 13 min. 1,6 pts 1,9 rebotes.
- 31.- Josephine De Barros. 21 min. 9,8 pts 2,7 rebotes. Portugal.
Adestrador: José Javier Unzué (2ª tempada).