Logo de concluir a fase regular da liga na Primeira División, o CB Arxil Mafari Café clasificouse para disputar as eliminatorias do play-off de ascenso á Liga Feminina 2. É primeira vez que o filial verde cada este logro.
A cita deportiva está fixada para o vindeiro o domingo día 4 de abril ás 12:00 horas e terá como escenario o pavillón do Centro Galego de Tecnificación Deportiva (CGTD). O rival é o equipo do Ponce de Valladolid. Como decíamos, trátase dun momento histórico na entidade pontevedresa xa que o filial nunca se tiña clasificado antes para xogar os play-off de ascenso á LF2.
Nestes cuartos de final do play-off o rival é o primeiro clasificado do Grupo B, o Ponce de Valladolid, outro club con pasado na LF2 que ten na xogadora de Jamaica, Morton, o seu principal valor, aínda que non é a única a destacar. Nas filas vallisoletanas está tamén Noelia Pariente e xogadoras que teñen xogado fases finais de campionatos de España.
Outro dato a ter en conta e que fala do potencial do rival do CB Arxil Mafari Café, é que o Ponce Valladolid só perdeu un partido en todo o que vai de tempada e foi ante o Universidad de Salamanca.
Para Lino Vázquez estamos ante unha eliminatoria “complicada”, para o CB Arxil Mafari Café, “pero nós queremos desfrutar dste play-off e ímonos enfrontar coa maior ilusión do mundo”, advirte.
Lino Vázquez sinala que logo “dunha tempada dura, temos conseguido manternos sen problemas e podemos seguir medrando como equipo para a tempada próxima”, anticipa o técnico.
Xogadoras convocadas co CB Arxil Mafari Café
Están convocadas para este encontro co Ponce Valladolid a xogadoras do CB Arxil Mafari Café de categoría júnior: Belén, Ángela, Carol, Sabela, Laura e Sara; así como as de categoría sénior: Jara, Natalia, Aldara, Noa, Margarita, Violeta, Mariña, Lara, Sandra e Arantxa.
