O CB Arxil Mafari Café sénior feminino disputará a próxima campaña a Primeira División grupo norte, unha categoría congregará a formacións de Galicia, Asturias, Cantabria e Castela-León e, que nestes momentos é a terceira categoría do baloncesto feminino nacional.
A entidade verde formalizou na mañá do pasado xoves a inscrición e a presentación do aval bancario polo que o equipo verde xa é Primeira División Nacional.
O combinado pontevedrés está composto, case na súa totalidade, por deportistas formadas na canteira da entidade, e a presente campaña disputaba un dos dous grupos de ascenso cando se cancelou a competición polo coronavirus no cal era líder invicto. Xa na tempada 2018-19 proclamáronse campioas e renunciaron ao ascenso.
Non será a primeira ocasión na historia do club na que o CB Arxil Mafari Café dispute unha categoría de ámbito nacional xa o fixo durante tres tempadas desde a 2010,2011 e 2012.
Estará xustamente un banzo por baixo do primeiro equipo que milita en LF2. O CB Arxil Mafari Caféé un os poucos clubs do ámbito nacional, que manterá dous equipos dentro das tres primeiras categorías do baloncesto feminino español.
É unha clara aposta de calidade que busca mellorar a estrutura de Club e apostar por unha maior relevancia da canteira.