A xogadora do C.B. Arxil Míriam García cumprirá a súa terceira tempada no primeiro equipo, no que debutou no curso 20-21, segundo confirman desde a entidade pontevedresa.
Mirian García foi aumentando paulatinamente os seus rexistros e protagonismo na rotación do equipo pero unha lesión que a tivo apartada 8 encontros notouno o equipo e sobre todo ela. Mirian García caracterízase pola súa defensa sobre as xogadoras 1 e 2 do equipo contrario, o seu descaro en ataque e mailo tiro de tres. Tras dúas tempadas no club verde e en plena madurez tato física como tecnicamente, renova polo C.B. Arxil.
Para Lino Vázquez é unha xogadora que “vai dar un paso adiante e penso honestamente que vai ser unha xogadora importante para nós”.
O próximo curso, Mirian García será da partida do primeiro equipo. Con todo, ela segue comprometida co filial arxilista, no que quere manter a ficha para “axudar ás súas compañeiras”.
Miriam García: “Quero seguir medrando como xogadora”
Desde o C.B. Arxil. están moi contentos coa súa renovación pero tamén o esta a xogadora que declara: “Estou moi contenta de renovar polo CB Arxil e poder axudar a que o seu proxecto siga crecendo cada tempada. Confío en seguir medrando como xogadora e traballar moi duro para achegar en todos os aspectos do xogo (puntos, ritmo, defensa…). Necesito dar un paso adiante para axudar máis ao equipo. Quero seguir crecendo como xogadora e axudar a que este gran club siga facendo historia no baloncesto feminino”.
Á hora de definirse como xogadora, Mirian García di ser unha deportista “moi comprometida, con boa visión de xogo e gústame sobre todo defender. Teño unha gran motivación polo baloncesto, non me custa manter a concentración durante o xogo e teño unha boa relación coas miñas compañeiras e co corpo técnico”.
Para Mirian García o Club Baloncesto Arxil “é un club de canteira que promove concretamente o baloncesto feminino. Un club que forma xogadoras e abre as portas a todas aquelas que queiran formar parte del. Aproveito para darlle as grazas ao club pola oportunidade que me deron de formar parte desta gran familia”.
“Á afección diríalle que siga apoiando e crendo no equipo, e que xuntos formaremos a gran familia verde. Esperámosvos os sábados ás 19:30h no CGTD!”, apunta a deportista no final da conversa.
