O C.B. Arxil caeu derrotado contra un dos equipos da zona alta da táboa, o HGB Ausarta Barakaldo. O resultado 55-74 coloca ás galegas nunha situación complicada sen descolgarse da zona baixa e cun calendario complicado por diante. As vascas viñan de perder contra o Ulla Oil Rosalía na casa polo que as posibilidades de acadar puntos estaban sobre a mesa ao inicio do partido.
Cuarta derrota consecutiva das de Maite Méndez. O CB Arxil foi superado desta volta polo HGB Ausarta Barakaldo EST de en Pontevedra por unha diferencia de 19 puntos: 55-74. As galegas non están sendo quen de fuxir da parte baixa da táboa clasificatoria.
A enorme actuación da nixeriana Ijeoma Uchendu desbordou ás locais. A xogadora visitante anotaba 24 puntos e capturaba 10 rebotes.
Salvo no último dos periodos, cando a remotada xa era case imposible, o CB Arxil quedou sempre por debaixo no marcador nos parciais por cuartos. Desde o arranque cun 10-15. Ao descanso chegouse cun 21-34. No terceiro cuarto a diferencia medrou ata un tanteo de 34-59 logo dun parcial neste período de 13-25.
O cuarto e definitivo foi para o CB Arxil por 21-15 pero non abondou para superar ao HGB Ausarta Barakaldo EST. O partido rematou cun resultado de 55-74 campeando no luminoso.
Os cruces da xornada 11ª poden complicar as cousas ao Arxil
Logo da disputa desta décima xornada as pontevedresas dos Club Baloncesto Arxil ocupan a undécima posición, por diante da Agrupación Deportiva Baloncesto Avilés, o Ulla Oil Rosalía e o Magec Tías Contra la Violencia de Género. Todos estes equipos, xunto ao Maristas Coruña e a AD Cortegada están nun puño. Dous puntos lles separan entre si, polo que calquera resultado entre delas faría mover a clasificación nesta zona perigosa da táboa.
Xustamente a vindeira xornada, a undécima, será unha desas citas. Deberán verse as caras. O Magec Tías Contra la Violencia de Género recibirá ao C.B. Arxil e o Ulla Oil Rosalía visitará á Agrupación Deportiva Baloncesto Avilés. Ademais o Maristas Coruña visita a un BAXI Ferrol intratable, polo que un triunfo das coruñesas plantéxase, sobre o papel, como unha milagre.
FICHA TÉCNICA
55.- C.B. ARXIL: Carla Fernández (7), Noelia Masía (5), María Lago (6), Cristina Díaz Pache (4) e Heather Forster (18) – quinteto inicial -. Tamén xogaron: Margarita Moreira (2), Natalia López (-), Bineta Ndoye (9) e Sara Castro (4)
74.- HGB AUSARTA BARAKALDO E.S.T.: Ijeoma Uchendu (24), Alexis Lewis (12), Aina Martín Tejedor (5), Sokhna Bintou Lo Sylla (8) e Laura Chahrour (4) – quinteto inicial -. Tamén xogaron: Eva Ortega (2), Ema Karamovic (11), Bea Torres (2) Nicole Murugarren (6) e Aitana Vergara (-)
PARCIAIS: 10-15, 11-19; 13-25 e 21-15
ÁRBITROS: Adrián Álvarez Rodríguez e Omar González Fernández.
INCIDENCIAS: Partido correspondente á décima xornada da LF2 disputado no Pavillón do Centro Galego de Tecnificación deportiva (C.G.T.D.) de Pontevedra Estadio de la Juventud.
MIRA AQUÍ O PARTIDO COMPLETO ENTRE CB ARXIL E HGB AUSARTA BARAKALDO EST
