O Centro Galego de Tecnificación Deportiva de Pontevedra ( CGTD ) acolleu a gran cita anual do atletismo máster galego no Campionato de Galicia de Aire Libre, unha proba que foi patrocinada polo Concello de Pontevedra.
Á competición acudiron preto de 600 deportistas, que coas súas actuacións deixaron unha xornada chea de grandes resultados, cun total de 23 récords galegos e un nacional.
O Campionato de Galicia Máster é un dos torneos máis esperados da tempada. Por este motivo, a Federación Galega de Atletismo buscou a forma de favorecer a participación das atletas galegas. Así, a entidade aceptou todas cantas inscripcións foron tramitadas o que obligou a facer varias series para que todo o mundo puidera participar e tomar parte neste fantástico campionato.
Segundo apunta a propia federación galega, as deportistas califican esta competición como un evento “que vai mas alá do deportivo e no que a deportividade, rivalidade, superación, esforzo e o moitísimo compañeirismo deixase notar dende o primeiro instante”.
Esther Pedrosa, atleta de récord
En categoría feminina, a máis destacada foi Esther Pedrosa, quen lograba establecer outro récord nacional F60 desta ocasión na proba dos 1.500 m. onde invertiría un crono oficial de 5:18.42.
Con este tempo mellorou en máis de once segundos a anterior plusmarca. Como colofón, a santiguesa, quen compite co Playas de Castellón desde fai uns anos, acadaba tamén o récord galego sobre os 400 m. con 1:11.97.
Os outros éxitos máster
Cris Estévez do Atletismo Feminino Celta confirmando o seu excelente momento, lograba no triplo 9.22 m. Pola súa banda Loreto Brea, da SG Pontevedra, establecía por partida dobre os récords galegos en martelo e martelo pesado con 36.25 e 9.52 respectivamente.
Gran actuación novamente na máster 60 de Ana María Abuín, de Atlética A Silva, quen lograba as plusmarcas autonómicas de martelo e martelo pesado con 27.76 m. e 11.97 m
Moi destacadas foron as actuacións das nosas máster 70 Amalia Luz San Martín do Egobarros, logrando os récords galegos tanto nos 100 m. con 17.54 como nos 400 m. con 1:28.86, como a de novamente María Luisa Armesto do Atletismo Sada quen pola súa banda facía o propio nos 200 m. con 40.21 e na xavelina con 11.56 m.
Pénelope Barreiro tamén volveu da competición cun ouro. A atleta da SG Pontevedra quedou primeira en salto de altura e acadou outra medalla no salto de lonxitude, sendo a terceira mellor clasificada.
No W45, Helena Rey e Geles Filgueira acadaron máis vitorias para o equipo pontevedrés, a primeira delas cun dobret een peso e disco e a segunda en xavelina. Así mesmo, Cristina Garrido bateu o récord do club nos 100 metros lisos, cunha marca de 12.21.
No ámbito masculino, destacaron Álvaro Prieto no M40, logrando plusmarca galega nos 3.000 obstáculos. Tamén o fixo Juan Morales, pero sobre os 5.000 marcha. Daniel Giménez en altura e Nacho Fernández en martelo pesado facían o propio nas súas probas.
No M45 sobresaíu Basi Bernárdez na proba de lonxitude e no M50, Juan Bello en pértega e no M55, José Domínguez nos 100 valos, así como Alberto Vázquez en lonxitude.
Por último, Luis Cores proclamouse campión no M65 de lonxitude e José Barreiro e Manuel García lograron plusmarcas autonómicas nos 100m do M75. Ademais, este último atleta lograba o récord galego de lonxitude.
