O CGTD de Pontevedra acolle esta fin de semana a gran cita do atletismo máster galego, o Campionato de Galicia, que comezará ás 09:45 horas do sábado. Nela participarán preto de seiscentos atletas, destacando Esther Pedrosa, Luz María Domínguez e Ana Abuín nas probas femininas.
Unha vez máis, as medidas de control sanitario marcarán o torneo, seguindo os estritos e rigurosos protocolos activados por mor da COVID-19.
Na categoría feminina máster, sobresáe a presenza da medallista internacional Esther Pedrosa na F60, quen participará nas probas de 400m e dos 1500m. Recentemente a atleta do Playas Castellón estableceu un novo récor de España na proba de Milla, cun rexistro de 5:42.18.
Tamén estará presente en Pontevedra Luz María Domínguez, do Burgas Ourense, quen competirá nos 400m e nos 800m, co obxectivo de lograr un bo rexistro.
Outra atleta destacada é Ana Abuín, tricampioa de España. A deportista do Atlética A Silva competirá na F60 en martelo, martelo pesado e combinadas.
As probas masculinas máster estarán protagonizadas por Pepín Rioseco, autor do récord mundial nos 800m, Juan Morales, medallista internacional e plusmarquista galego e Santiago Ferreiro, campión galego absoluto de combinadas.
Tamén estarán Fran Gúzman, campión galego de disco e de España nesta modalidae e en peso, e Basi Bernández, bicampión de España en triplo e xavelina.
