O CBS Cambre pecha a terceira xornada da Spanish Softball League cunha dobre derrota ante un Fenix Valencia que tivo que empregarse a fondo como local. A intensidade foi a protagonista do día, cun cadro galego que foi de máis a menos.
No primeiro encontro as xogadoras do Cambre foron por diante durante casi todo o encontro. Só na sexta entrada o conxunto ché puido poñerse por diante, rematando o partido nun 4-3. No segundo duelo da xornada, o nivel dos ataques de ambos equipos decaeu pola fortaleza das súas defensas. O conxunto visitante mantivo a raia ao Valencia durante a meirande parte do tempo, ata que un erro defensivo fixo que o resultado final fose un 3-0.
O Cambre mantívose forte no primeiro partido
No bando galego houbo un nome protagonista no primeiro partido da xornada: Leonella Fortunata. A pitcher de Curaçao mellorou a súa actuación de xornadas anteriores, permitindo mneos hits e debuxando a zona cos seus lanzamentos. Nas cinco primeiras entradas, a novena local só conectou un hit co terceiro, nun triplo de Raquel Rodrigo, que rematou en carreira.
No segundo inning, o CBS Cambre aproveitou para adiantarse ante Eva Soto con dúas carreiras impulsadas polos single de Paula e Laura Paz e o dobre de Fátima Núñez. A novena galega facíase forte en ataque, pero a defensa local mantiña ao equipo a raia conseguindo dous outs en home. O fly do sacrificio do 1-3 de Soengas no cuarto, o cadro valenciano seguía con opcións de levarse a vitoria.
Os esforzos só atoparon resposta no bate ata a parte baixa do sexto inning. O Valencia buscaba a base e atopouna co bunt de Elizabeth Colmenares, rompendo a sequía bateadora local e dando ánimos para a remontada. Aproveitando o bo momento e a enerxía conseguida, o cadro local reiniciaba a orde ao bate con Llorens, que contectou un single polo left.
No equipo de Cambre, o acerto de Fortunata ía a menos e cedeu a súa primeira base por bolas do partido e o seu primeiro hit by pitch e un wild pitch. Estes erros desdibuxaron ás visitantes, polo que as locais aproveitaron para situarse por diante, cun inning aínda por xogar. Otermin no equipo local evitou que as galegas anotaran no seu último turno ao bate, respaldada por unha defensa aérea e terrestre confirmando a vitoria ché.
O segundo duelo do día xogouse desde a defensa
No segundo partido, a defensa foi a táctica seguida por ambos equipos, controlando o xogo por pitchers, cadro e xardíns. O Cambre intentaba atacar, logrando que 14 das súas eliminacións chegaran polo flyout. Calquera erro decidiría o encontro e así foi.
As galegas loitaban fronte a Otermin, encargada de abrir a peana valenciana, pero as dúas veces que superou a primeira base o fixo con dous outs e a defensa non perdoou conseguindo a última eliminación antes da fin da carreira.
Con tres innings, o Valencia decantou a balanza ao seu favor ante Laura Otero. No primeiro deles, Soto impulsou cun triplo a primeira carreira do partido, seguida do 2-0 do single de Rosalén. O ataque ché seguía brillando con Soto, que anotaría un dobre no segundo e un single no terceiro, convertendo na carreira do 3-0 a úlltima do partido.
Na sexta entrada, as bases ante Ibone Abruñedo poderían ter ampliado a renda local, pero un flyout evitou que chegase a darse ese final. A entrada de Rosalén no círculo mantivo o resultado e as galegas volveron a casa derrotadas.
