O Calasancias Coruña cae derrotado na súa visita á Asturias onde a Curtidora Universidad de Oviedo impúxose por 3-1 na 15ª xornada da Primeira División do voleibol feminino español.
Empezaron vencendo o primeiro set as locais por un axustado 25-22 mentres que no segundo as coruñesas baixaron a súa efectividade e caeron por 25-16.
En juego el partido @voleycurtidora @DeportesUniovi – @cvcalasancias de la Liga de Primera División Nacional Femenina de la @RFEVB #SomosVoleibol #vamoscurti #FundaviTeams @fvbpa #jugamosporlaigualdad pic.twitter.com/ote5YRlb0m
— A.D. LA CURTIDORA (@voleycurtidora) February 6, 2021
Pero cando pensaban as xogadoras da Curtidora Universidad de Oviedo que o Calasancias Coruña xa era pan comido, as coruñesas rexurdiron e foron quen de se levar o terceiro set por un axustado 25-27 que forzaba, canda menos, un set máis para decidir o trunfo.
Non llo puxeron doado as galegas ás asturianas ese, finalmente definitivo set, pero a Curtidora rematou por levarse o gato á auga conseguindo o cuarto set cun marcador de 26-24.
Victoria de @voleycurtidora @DeportesUniovi por 3-1 frente a @cvcalasancias en un intenso y emocionante partido.
25-22 / 25-16 / 25-27 / 26-24#SomosVoleibol #vamoscurti #FundaviTeams @fvbpa #jugamosporlaigualdad pic.twitter.com/v2KbTuadxx— A.D. LA CURTIDORA (@voleycurtidora) February 6, 2021
O resultado final de 3-1 deixa ao Calasancias Coruña na sétima posición con dez puntos e serve ás ovetenses para afianzarse nos postos altos. Agora mesmo son segundas con 27 puntos, un máis que o Fertiberia Los Campos e oito menos que o CV Oviedo. Asturias domina este Grupo A da Primeira División Feminina do voleibol estatal.
Seguinte rival do Calasancias: o D´Elhuyar de Logroño
O seguinte partido das coruñesas será na casa e contra un rival da zona baixa. As herculinas deberían vencer para poñer terra de por medio cos equipos que veñen por detrás.
O seu rival será o D´Elhuyar, colista con con so tres puntos logo de 12 partidos, polo que o Calasancias Coruña non deber deixar pasar a ocasión de vencer con rotundidade no Pavillón Polideportivo do Barrio das Flores.
A cita coas de Logroño está fixada para o domingo 14 de febreiro ás 12:00 horas.
