O pasado fin de semana, en Santiago, nas piscinas de Santa Isabel celebrouse o Campionato Galego de Fondo Máster de natación. Os campións da proba foi o C.N. Ponteareas con 159 puntos. Seguidos do C.D.N. Cidade Santiago (126 puntos) e terceiro do C.N. Vigo Rías Baixas (121 puntos).
Na clasificación feminina, o primeiro posto foi tamén para o C.N. Ponteareas con 92 puntos. No segundo chanzo o Escualos, con 55 e no terceiro o Rías Baixas. Na masculina, as tornas cambiaron e quedou de primeiro o C.D.N. Cidade Santiago.
En 400 metros libres femininos, na categoría Máster 45+, Sonia Braña Méndez acadou un novo récord facendo a proba en 5:30.61. Ela mesma tamén o fixo en 800 metros libre nun tempo de 11:12.64. En 1500 metros libres houbo os seguintes:
- Máster 60+: María Elisa Otero López, en 28:23.61.
- Máster 45+: Sonia Braña Méndez, en 21:15.08.
- Máster 35+: Vanessa Pillado Mariño, en 23:06.52.
- Máster 35+: Marta Barbeito Domínguez, en 21:32.89.
Bronce para María Oliveira e Mª Jesús Méndez
Cinco nadadores/as do Equipo Máster do Club Natación Arteixo participaron neste evento con moi bos resultados. Javier Mella e Rubén Villamor nadaron a proba de 1500 libre na sesión de mañán, fixeron boas marcas e acadaron Rubén o 4º posto e Javi o 6º das súas categorías.
Na sesión de tarde nadouse a proba de 800 metros, na que participaron tres compoñentes do Arteixo. Roberto Andrade, que quedou en 5º posto; e María Oliveira e Mª Jesús Méndez, estas dúas nadadoras foron medalla de bronce.
XI Memorial Gerardo Steudel
Coincidindo co Campionato Galego celebrouse tamén o XI Trofeo de Gerardo Steudel na que a vencedora na categoría feminina en 1500 libres foi Belén Pombo López do C. Fluvial de Lugo. Nos homes quedou campión David Rodríguez Lago do C.D.N Cidade de Santiago.
Na proba de 800 metros libre, Rosalia García Míguez do C.N. Galaico subiu ao primeiro chanzo. No categoría masculina, foi Alejandro Passaretti Pereira do C.D.N. Cidade de Santiago.
