Esta vez sí. O factor cancha volveu ao CGTD para que o Arxil acadara a vitoria e ter máis preto a permanecia na Liga Feminina 2. Impuxéronse por un 69 a 46 ao Ausarta Barakaldo. A única vitoria galega na competición nacional.
Non era o día do Baxi Ferrol. As da cidade departamental colleitaron a súa primeira derrota do 2020 en Leganés. Perdeu ante o Laboratorios Ynsadiet. O Celta e o Cortegada tamén caeron sobre as súas pinturas ante o Pacisa Alcobendas no caso das celestes e o Sinergia Canoe, das de Vilagarcía
O Arxil volve polo bo camino
Vitoria con sabor doce para o cadro pontevedrés. O Arxil impúxose ao Ausarta de Barakaldo por un electrónico de 69 a 46. As xogadoras de Maite Méndez sentenciaron o partido antes do descanso.
Nos primeiros minutos a igualdade permanecía na pista. Cunha canastra das locais rápidamente respondía o Barakaldo e aínda así o Arxil marchada de tres no primeiro cuarto. Co segundo tempo, Johanna Puchetti desde o triplo aumentaría a vantaxe. As visitantes intentaron remontar pero grazas a María Méndez, as pontevedresas lograron irse ao descanso con 12 puntos por diante.
Tralo paso polo vestiario, a mesma que liderou no segundo tempo, sería novamente a encargadar de endosar as canastas necesarias para deixar o partido na cidade galega. María Lago acadou un total de 18 puntos para o seu equipo. Nos últimos minutos as tornas continuarían das mans das da cidade do río Lérez para firmar o 69 a 46.
Na próxima xornada, visitan novamente o País Vasco para enfrontarse ó GDKO Ibaizabal, o 7 de marzo ás 19.00 horas.
FICHA TÉCNICA
C.B. ARXIL: Carla Fernández, María Rosendal, María Lago, Cristina Díaz-Pache, Heather Forster —quinteto inicial—, Violeta Crespo, Aldara Vázquez, Adriana Aparicio, Noa Casalderrey, Margarita Moreira e Johanna Puchetti.
AUSARTA BARAKALDO: Sara Cuiña, Araia Peña, Patricia Soler, Marta Pérez, Adedayo Olabode —quinteto inicial—, Geralynn Leaupepe, Irene Mata, Ane Larrinaga, Beatriz Torres e Catalina Abuyeres.
PARCIAIS: 15-12/ 20-11/ 21-13/ 13-10 (69-46)
ÁRBITROS: Pedro Coladas Lois e Christian Abalo Buceta.
INCIDENCIAS: Partido correspondente a xornada 20 da Liga Feminina 2 de baloncesto no que enfrontou ao Arxil co Ausarta Barakaldo no CGTD.
Primeira derrota do 2020 do cadro departamental
Non foi o día. O Baxi Ferrol cae en Leganés por tan só tres puntos de diferenza ante o Laboratorios Ynsadiet (68-65). Un encontro moi disputado no que as vantaxes entre ambos conxuntos non foron superiores aos seis puntos. O que fixo que a vitoria se decidira nos últimos minutos.
As ferrolás non estiveron moi acertadas no tiro no segundo tempo. Desde a liña de 6,75 metros non lograron endosar ningún punto, incluindo os dous intentos nos últimos segundos que levarían o partido á prorroga.
A pesar da derrota, as da cidade departamental manteñen o average a favor co Leganés trala vitoria na Malata por 20 puntos de diferenza. A vindeira semana volverán a disputar o duelo galego. Esta vez, pisará terras ferrolás o Celta Zorka Recalvi.
FICHA TÉCNICA
LABORATORIOS YNSADIET LEGANÉS: Imani Tate, Esther Moreno, Kristina Rakovic, Lina Pikcuite, Alba Prieto —quinteto inicial—, Sara Sánchez, Paloma Dorda e Margarita Davydova.
BAXI FERROL: Patri Cabrera, Macy Miller, Annina Aijanen, Marta Tudanca, Jenna Allen —quinteto inicial—, Geraldynn Leaupepe, Patricia Benet, María Torreblanca, Tamara Kapor, Natalia Rodríguez e Sune Swart.
PARCIAIS: 19-17/ 15-20/ 18-13/ 16-15 (68-65)
ÁRBITROS: José Antonio Sastre del Rio e Yoel Canales Calle.
INCIDENCIAS: Partido correspondente a xornada 20 da Liga Feminina 2 de baloncesto no que enfrontou ao Laboratorios Ynsadiet Leganés e o Baxi Ferrol no Pavillón de Europa.
O Sinergia Canoe gaña en Fontecarmoa ao Cortegada
O Cortegada perde en Fontecarmoa ante o Sinergia Canoe por un 76 a 87. A pesar de que as madrileñas comezaron o partido moi superiores, as locales, no segundo tempo, souberon xestionar moi ben o seu xogo e firmaron un parcial de 28 a 15. A máxima anotadora foi a ourensá Cristina Loureiro con 31 puntos e 38 de valoración.
“Un gran encontro de baloncesto xogado cun gran acerto, moito ritmo e cun gran esforozo por ambos equipos. Só o excelente acerto e o bo xogo do Canoe permitiulles chegar ata o final coa vantaxe para ganalo. Competimos moi ben contra un equipo excelente”, comentaba o adestrador das de Vilagarcía de Arousa, Rubén Domínguez, para As Nosas.
A vindeira semana viaxan ata a comunidade veciña para enfrontarse ao ADBA o sábado 7 de marzo, ás 20.00 horas.
FICHA TÉCNICA
A.D. CORTEGADA: Andrea Rios, Patricia Vicente, Cristina Loureiro, Miriam García, Branka Lukovic —quinteto inicial—, Nuria Choren, Lorena Castro, Zeltia Presas e Irene Montenegro.
SINERGIA REAL CANOE N.C.: Lucía Rodríguez, Paula Santolaya, Emilia Ferreira, Macarena Roldan, Laura Prats —quinteto inicial—, Sandra Leal, Irene de Gregorio, Raquel García, Rocío Torcal, Esther Díaz e Irene Baeza.
PARCIAIS: 19-26/ 28-15/ 16-28/ 13-18 (76-87)
ÁRBITROS: Omar González Fernández e Daniel López Illán.
INCIDENCIAS: Partido correspondente a xornada 20 da Liga Feminina 2 de baloncesto no que enfrontou ao A.D Cortegada co Sinergia Real Canoe no Pavillón de Fontecarmoa.
O cadro celeste cae en Navia
A fase de ascenso complícase para o cadro celeste. O Celta non foi capaz de superar sobre a súa pintura ao Pacisa Alcobendas (56-74). As locais comezaron dominando os primeiros compases pero rápidamente as tornas cambiaron.
Un parcial de 0 a 9 a favor das madrileñas puxéronse por diante e aproveitaron moi ben os erros celestes no pase ademais das múltiples concesións do rebote defensivo olívico.
O Celta non se atopaba moi cómodo na cancha e cada xogadora facía a guerra pola súa conta. María Barneda pouco poido facer en catro minutos de xogo posto que estaba mal por un problema no nocello.
As viguesas poñían coraxe pero o Pacisa Alcobendas mandaba xa por quinte puntos. Un pequeno empuxón devolvía a ilusión as locais ante do descanso co 26 a 36.
Tralo descanso, parecía que as de Cristina Cantero estaban máis preto das madrileñas grazas a Anne Senosiain. Pero rápidamente o sono fuxiu e o Alcobendas volveu a reinar en Navia ata o asubío final co 56 a 74.
FICHA TÉCNICA
CELTA ZORKA RECALVI: Iciar Germán, Anne Senosiais, Elo Edeferioka, Sara Vidal, Ainhoa Lacorzana —quinteto inicial—, Tamara Montero, Celia García, Lucia Fontela, María Barneda, Ángela Coello e Breanna Richardson.
PACISA ALCOBENDAS: Laura Howard, Lucía Togores, Paula Justel, Clara Rodríguez, Kiara Kudron —quinteto inicial—, Sara Francisco, Lucía Gutierrez, Carmen Molina, Daira Varas, Cecilia Aldecoa e Celia Menéndez.
PARCIAIS: 12-18/ 14-18/ 13-21/ 17-17 (56-74)
ÁRBITROS: Roi Rilo Antelo e Martín Trasancos Blanco.
INCIDENCIAS: Partido correspondente a xornada 20 da Liga Feminina 2 de baloncesto no que enfrontou ao Celta Zorka Recalvi co Pacisa Alcobendas no Pavillón de Navia.
