Hoxe, sábado 11 de febreiro, a partir das 18.30 da tarde no pavillón de Vista Alegre en Burela, está prevista a disputa do encontro da 18ª xornada da Primera División de Futsal Feminino da RFEF entre o Pescados Rubén Burela FS e o CD Leganés FS. O partido será transmitido ao vivo por Live Vuvuzela.
Ambos os dous equipos veñen de sufrir resultados adversos a semana pasada. O CD Leganés perdeu ante o ENCE Marín Futsal 3-5, mentres que o Pescados Rubén Burela empatou co Sala Zaragoza 1-1 nun partido que, a priori, presentábase factible pero que lle roubou o segundo posto ao equipo burelense.
Esta fin de semana xogarán na casa contra un equipo que non arrastra moi bos resultados esta tempada, pero que do mesmo xeito que o Sala Zaragoza, non llo vai poñer fácil ao equipo que prepara Julio Delgado loitando ata o final polos ansiados tres puntos desta semana que, de perdelos, podería levarlles a postos de descenso.
Na previa do partido contra o CD Leganés, a futbolista laranxa Cilene explicaba que o club lucense ten que “impoñer o seu xogo do mellor xeito posible para levar a vitoria”
¡@cilenefutsal06 nos cuenta sus impresiones para el partido de mañana contra @CDLeganesFS_Fem!👇
🎙️”Tenemos que imponer nuestro juego de la mejor manera posible para salir con la victoria.”
¡Y no te pierdas el mensaje final para la #FamiliaLaranxa!🧡 pic.twitter.com/mZWaBilzLf
— Pescados Rubén Burela FS (@burelafs) February 10, 2023
A superfesta en Burela
Despois do partido, o Pescados Rubén Burela FS en colaboración co Concello de Burela, ten prevista a celebración dunha ‘Superfesta’ para celebrar cos veciños do concello da Mariña a recente vitoria no Campionato da Supercopa de España 2023.
Segundo informan desde o club, na superfesta haberá un palco con música (DJ), inchables gratuítos para os máis pequenos e postais e camisetas dxs jugadorxs do equipo laranxa de futsal á venda. As xogadoras do Pescados Rubén baixarán a celebralo coa súa afección: veciños e familia, unha vez acabe o encontro contra o CD Leganés.
A presentación oficial da Supercopa está programada para as 21.00 que se prevee a súa chegada.
Concello de Burela recibe ás Superguerreiras Laranxas pentacampioas da Supercopa de España