O Pescados Rubén Burela FS recuperou cun gran resultado a undécima xornada de liga ante o Bodegas Sommos Intersala. No que foi primeiro compromiso maño da semana, as Guerreiras Laranxas finalizaron o partido cun marcador de 0-3 ao seu favor.
Case sen darlle tempo para colocarse ás locais, o Pescados Rubén Burela FS asinou o primeiro tanto nos primeiros minutos, obra da omnipresente Dany. Pouco tempo despois chegaría o segundo, da man da mesma futbolista, colocando xa un 0-2 no marcador con todo o partido por diante.
Facendo honra ao 3 do seu dorsal, Dany sumou xustamente o primeiro para o Burela nese minuto tras un acertado pase que se lle quedou curto a Titina. O segundo gol chegaría case inmediatamente despois, cunha recuperación de balón, que tocaría na rival Sarah antes de entrar na portería do Bodegas Sommos Intersala.
No bando contrario, o Intersala sufría para xerar ocasións ante o marco galego. Non eran quen de chegar realmente a xerar perigo ante a portaría defendida por Sandra Buzón. A cancerbeira do Burela FS só tivo que intervir un par de veces, sendo a máis clara a ocasión de Sarah no minuto 16. Porén, tanto o seu disparo como o de Vicepi despois non tocaron a rede.
As Guerreiras Laranxas tiveron a terceira xa no minuto 29, cando Ale de Paz transformou os intentos previos de Peque, Lara Balseiro e Bea Matos. A 17 do Burela FS foi quen de recibir e tentear á defensa contraria para o cambio de perna e así sentenciar o encontro (0-3).
O cuarto tanto rondou as botas das laranxas, pero Izarbe empregouse a fondo para evitalo. Así chegou o final do partido, con tres puntos máis sumados ao casilleiro burelista na súa loita por repetir como campioas de Liga.
Tras este resultado, o Pescados Rubén Burela FS suma 25 puntos, están empatadas co líder, a AD Alcorcón, que disputou tres partidos máis cas galegas.
1. Peque no partido do Burela ante o Intersala / INTERSALA PROMESAS
Peque no partido do Burela ante o Intersala / INTERSALA PROMESAS
2. Elena Aragón no partido do Burela ante o Intersala / INTERSALA PROMESAS
Elena Aragón no partido do Burela ante o Intersala / INTERSALA PROMESAS
3. Bea Mateos no partido do Burela ante o Intersala / INTERSALA PROMESAS
Bea Mateos no partido do Burela ante o Intersala / INTERSALA PROMESAS
O Pescados Rubén Burela segue en Zaragoza
As laranxas do Burela aínda non volven á Mariña tras a celebración desta undécima xornada. As futbolistas do conxunto galego teñen outra cita deportiva ligueira en terras mañas o sábado, 20 de febreiro, ás 12:00 horas.
O Pescados Rubén Burela FS xogará contra o Sala Zaragoza, nun duelo enmarcado na décimo quinta xornada competitiva na Primeira División Feminina do Fútbol Sala da RFEF.
O Sala Zaragoza é quinto e as de Burela son segundas empatadas a 25 puntos co AD Alcorcón FS pero con tres partidos menos que as madrileñas. As mañas si están ao día na disputa de encontros e acumula 12 partidos disputados. Nesa dúcia de encontron saíron a pre. Gañaron seis e perderon outros seis. Teñen, polo tanto, no seu casilleiro particular 18 puntos acumulados até o de agora. So suman dous goles máis a favor que en contra (37 vs 35 tantos).
FICHA TÉCNICA
0) BODEGAS SOMMOS INTERSALA FS: Carol, Cyn Romano, Titina, Sarah, Vicepi, – quinteto inicial -. Tamén xogaron: Sandra, Marta, Icíar, Nerea, Alba, Paula e Izarbe.
3) PESCADOS RUBÉN BURELA FS: Sandra Buzón, Dany, Peque, Cami, Elena Aragón – quinteto inicial -. Tamén xogaron: Lara Balseiro, Jane, Bea Mateos, Ale de Paz e Jozi Oliveira.
GOLES: 0-1, minuto 3, Dany; 0-2, minuto 4, Dany ( p. p. Sarah); 0-3, minuto 29, Ale de Paz.
ÁRBITROS: Alonso Montesinos e Santander Flamarique (Colexio de árbitros Aragonés). Polo Pescados Rubén Burela FS foi sancionada con cartón amarelo a futbolista Peque no minuto 11 de partido.
INICIDENCIAS: Partido correspondente á xornada 11ª de Primeira División Feminina do Fútbol Sala da RFEF disputado no CDM La Granja de Zaragoza.
