As Guerreiras Laranxas do Pescados Rubén Burela dixeron adeus a Vista Alegre por todo o alto. As futbolistas mariñás despedíronse de pista e afección cunha gran vitoria ante o STV Roldán cun resultado de 5-2.
Con reparto de goles e unhas xogadoras locais moi aplicadas, o equipo galego sumou outros tres puntos ao seu casilleiro. Así, as futbolistas do Burela abriron o Sábado Laranxa con éxito.
O Burela foi de menos a máis
Xerando perigo desde os primeiros minutos da man de Bea Mateos e Leti, as galegas marcaban o ritmo do encontro ante as murcianas, que contaban cunha Almudena baixo paos atenta a cada disparo. O Roldán gastaba todos os seus esforzos desde a defensa, tratando de impedir que as ofensivas burelistas se transformaran en goles.
Oito minutos aguantaron coa portería a cero. O primeiro tanto do Burela chegou coa saída de Elena Aragón á pista. A andaluza brindoulle un regalazo a Cami ao segundo pau e esta non fallou. O equipo visitante non baixou os brazos e pelexou por puntuar en Vista Alegre. O empate non estaba lonxe, e acabaría por chegar da man de Marta Pelegrín, quen aproveitou un pase das locais demasiado próximo á súa propia porta.
Pasado case un cuarto de hora, as Guerreiras Laranxas recuperaron a súa vantaxe a través dunha espléndida Luísa Mayara, quen foi aisstida por Dany na frontal. De novo Marta Pelegrín nas filas contrarias fixo saltar as alamas galegas, rondando o empate do partido a balón parado. O descanso chegaría con lixeira vantaxe galega, cun 2-1 no marcador, e con mellores sensacións para as locais, que a piques estiveron de marcar no minuto 19, cunha recuperación de Dany e Jane buscando ao segundo pau a Elena Aragón.
Despois do paso por vestiarios, as laranxas colleron o mando do encontro. Sandra Buzón converteu a rede local nunha muralla, impedindo as tentativas de Ángela Górriz e Alba Gandía por partida dobre. Nada puido facerno seu terceiro intento, cun balón que tocou na rede no minuto 22, poñendo as táboas no electrónico.
O Burela buscaba o terceiro, primeiro con Jane no 24 cunha bonita picada que desartellou o traveseiro, e logo grazas a Elena Aragón, quen non perdoou desde o saque de banda con Leti recibindo en pixovte para deixarlla á 19 laranxa.
O 3-2 deu alas ás galegas, que seguiron confiantes na súa pista. Jane e Bea Mateos rozaron o cuarto no ecuador da segunda parte, pero unha brillante resposta de Almudena impediu que subira ao marcador. Os dous goles que estarían por chegar para as locais foron finalmente obra de Mayara, quen repetiu como goleadora, e Dany.
No primeiro deles, xa no minuto 35, Mayara recibiu un pase de tacón certeiro de Dany e, de novo, non fallou ante a porta rival. Un minuto despois a propia asistente anotaría cun rexeite, ampliando a súa renda ao 5-2. Nos minutos finais, o Roldán apostou por un xogo de cinco que xa non daría os seus frutos.
FICHA TÉCNICA
PESCADOS RUBÉN BURELA: Jozi, Cami, Bea Mateos, Ale de Paz, M. Cortés -cinco inicial-. Tamén xogaron: Luísa Mayara, Jane, Dany, Lara Balseiro, Elena Aragón e Sandra Buzón.
STV ROLDÁN: Almudena, Marta Pelegrín, Riscos, Alba Gandía, Mariángeles -cinco inicial- Tamén xogaron: Lola, Consolo, Laura, Ángela Górriz, Cristi Sánchez e Andrea.
GOLES: 1-0, minuto 8, Cami; 1-1, minuto 9, Marta Pelegrín; 2-1, minuto 14, Luísa Mayara; 2-2, minuto 22, Alba Gandía; 3-2, minuto 26, Elena Aragón; 4-2, minuto 35, Luísa Mayara; 5-2, minuto 36, Dany
ÁRBITRAXE: López López // Martínez Torres. Por Burela, amarela para Lara Balseiro (minuto 27), Bea Mateos (minuto 37). Por Roldán, amarela para Marta Pelegrín (minuto 25)
INCIDENCIAS: Partido correspondente á xornada 7 (segunda fase) de Primeira División Feminina disputado no municipal Vista Alegre. As Guerreiras brindaron á Bancada Laranxa os galardóns dos seus dúas últimas conquistas, a Copa de S. M A Raíña e a XIV Copa Galicia.
