O Pescados Rubén Burela está de celebración. Con dez puntos, as mariñás ocupan a terceira posición da táboa, a dous puntos do líder, ao que buscarán superar gañando o partido contra o Rayo Majadahonda FSF o sábado, 28 de novembro, ás 18:30 horas.
As Guerreiras laranxas chegan con confianza á próxima cita, tras un recital de goles contra a AD Sala Zaragoza, no día da estrea da súa propia canle de streaming, o Burela FS TV. Despois da pausa por descanso da quinta xornada, as galegas volveron con forza ao terreo de xogo e lograron un 8-3 fronte ao Sala.
A realidade é que este partido foi unha proba da calidade das xogadoras laranxas. Malia ocupar a terceira posición, o Pescados Rubén Burela aínda non perdeu ningún encontro e soamente empatou un, o que as deixa con dez puntos no terceiro posto.
Se hai dous equipos por riba delas é porque levan dous partidos xogados máis cada un, que lles permiten acadar os doce puntos. As laranxas non disputaron a quinta xornada por descanso nin a segunda, un encontro que deberá recuperar ante o Intersala Promises.
Co dobre de goles a favor que en contra, as laranxas serán un rival duro para o Majadahonda. As madrileñas acumulan seis puntos na quinta posición, e veñen dunha derrota contra o Torreblanca Melilla por un 4-0. Aínda así, tentarán recuperar as sensacións da vitoria fronte ao Xaloc Alacant, na que anotaron seis goles fronte a un do rival, que pouco pudo facer para puntuar.
A 7 burelista, Peque, explicaba sobre o choque: “Estamos a traballar duro como todas as semanas, foi unha semana bastante intensa para cumprir o noso obxectivo de sumar de tres en tres. Temos que que estar concentradas para non ceder balóns que o Majadahonda poida aproveitar para facernos dano. É un rival aguerrido, traballa moito en defensa, presiónanos ben e sabemos que ás contras son difíciles de parar. Ten xogadoras experimentadas, como Pitu ou Chili, e unha adestradora que traballa moi ben os bloques”.
Tal e como sinalaba a futbolista do Pescados Rubén Burela a 2020 – 2021: “É unha tempada atípica para todos. Este formato facilita o desenvolvemento da competición porque se están aprazando bastantes partidos, aínda que a min gustaríame xogar unha liga con todos os equipos. Oxalá poidamos facelo axiña”.
O encontro, que se celebrará en La Granadilla, poderá seguirse a través da canle de Twitch do Rayo Majadahonda.
Jornada 7⃣ Primera Femenina #RFEF
⚽️ @RMajadahondaFS 🆚 @burelafs
📆 Sábado 28 de noviembre
⏰ 18.30 horas
🏟️ La Granadilla
📺 https://t.co/VcGcVuu6dd#Burela #Futsal #SomosFutsal #FutsalHeart🧡 pic.twitter.com/lkMUoW5nqX— Pescados Rubén Burela FS (@burelafs) November 26, 2020
