O Pescados Rubén Burela FS convoca asemblea de socios para o vindeiro venres, 28 de maio, no pavillón Vista Alegre da localidade mariñá, para oficializar a nova Xunta Directiva.
A primeira convocatoria queda fixada para as 17.00 horas e segunda para as 17.30 horas (horario marcado en función da dispoñibilidade das instalacións).
En virtude do artigo 6 do regulamento electoral do club, ao concorrer unha soa candidatura á presidencia, a de Manuel Blanco, procederase á súa proclamación na antedita xuntanza.
Así queda previsiblemente a Xunta Directiva do Burela
A presidencia do Burela quedará a cargo de Manuel Blanco Fanego. A primeira vicepresidencia será de Cesarina Fanego Mon e a segunda de Jose Luis Sáez Castro. A secretaría queda en mans de Jose Ángel Dovale Gradaílle e a tesourería con Alfredo Veiga Rego.
Vogais:
- Alba Vila Reija
- Alberto Fernández Rouco
- Juan Antonio Ródenas Martínez
- Antonio Couto Díez
- Luis Antonio Guillén Menéndez
- Rubén Blanco Fernández
- Auditor Rodríguez Lombardía
- Carlos Díaz Riesgo
