A quinta xornada da fase polo play-off de futsal trouxo un aperitivo dos cuartos de Copa da Raíña. Pescados Rubén Burela e Ourense Envialia citáronse en Vista Alegre cunha goleada final das laranxas por un 9-4.
O partido ofreceu dúas caras distintas. Na primeira parte, ambos clubs galegos estiveron moi igualados, chegando en empate ao descanso. Todo cambiou na segunda metade, cando as Guerreiras Laranxas tomaron o control do partido e noquearon ás ourensás.
Inicio equilibrado
O duelo comezou calmado e equilibrado entre dous equipos fortes en defensa, pero que non conseguían trasnformar os escasos ataques.
O Burela apostaba por un ritmo alto de xogo para cansar ás ourensás, mentres que estas aguantaban sobre a pista mariñá aproveitando as ocasións que podían.
Con paciencia, o Envialia logrou anotar primeiro. Judith marcaba ante a portería local despois dun saque esquina a favor das visitantes, á borde do descanso. Un par de minutos despois e case sobre o pitido, Ale de Paz materializaba o empate laranxa, despois dos intentos de Cami e Lara.
Cun inesperado 1-1 chegaba o tempo dos vestiarios, con toda unha segunda metade para decidir ao conxunto que resultadaría o gañador do encontro.
Dominio total do Burela na segunda parte
O Burela tiña aínda a espiña clavada da derrota no clásico ante o Futsi Atlético e non ía deixar escapar a oportunidade de desquitarse.
Nesta segunda parte, abriu a veda Leti Cortés, tocando in extremis o disparo cruzado de Cami, cando o electrónico xa marcaba o minuto 22. Parecía que tomaba pulo o ataque local, pero o Ourense Envialia non errou na súa grande oportunidade para recuperar a igualdade, con Laura Uña desde o punto de penalti. A tensión do encontro aumentaba, con todo en xogo, e nun pulso previo á Copa.
Un par de minutos despois, o duelo irmandiño conseguiu converterse nun monólogo laranxa. Judith conseguiu frear a parede entre Peque e Dany, pero a pivote hispano-brasileira volveu facer acto de presenza para servirlla a Luísa Mayara, xa no minuto 25, e foi a 12 a que lle devolveu o favor á 3 dous minutos despois para subir o 4-2.
Viviu entón un gran minuto o conxunto de Julio Delgado, ampliando ata o 6-2 con Lara Balseiro, asistida de novo pola omnipresente Dany, e Bea Mateos recuperando en pista visitante.
Outra antiga laranxa, Jenny Lores, conseguiu reducir levemente as distancias para o Ourense Envialia, con saque desde a banda, pero foi tan só un espellismo.
Peque, no 31, avisou nun man a man con Vane para protagonizar un dobrete, no 31 e 33, cun disparo cruzado primeiro e máis tarde nunha xenialidade fronte á meta ourensá.
Con 8-3, as ocasións sobre a rede visitante eran unha tormenta incontrolable, co noveno nas zapatillas de Luísa Mayara, grazas ao control, paciencia e espera da pivote hispano-brasileira. Laura Uña en recuperación maquillou a fenda a favor do Ourense Envialia, sen influír no perigo burelista. O décimo, sen subir ao marcador, superou a liña de meta coa bucina final.
As ourensás do Ourense Envialia terán a oportunidade de desquitarse en menos dunha semana. O próximos venres, ambos equipos xogarán o pase ás semifinais da Copa da Raíña.
FICHA TÉCNICA
PESCADOS RUBÉN BURELA FS: Sandra, Cami, Luísa Mayara, Bea Mateos, M. Cortés – cinco inicial-. Tamén xogaron: Ale de Paz, Lara Balseiro, Dany, Peque, Elena Aragón, Jozi Oliveira.
FUTSI ATLÉTICO NAVALCARNERO: Vane, Chiky, Lauara Uña, Judith, Jenny Lores -cinco inicial-. Tamén xogaron Iria Saeta, María, Susana, Paula Pereiro, Alexandra.
GOLES: 0-1, minuto 17, Susana; 1-1, minuto 19, Ale de Paz; 2-1, minuto 22, M. Cortés, 2-2, minuto 23, Laura Uña (penalti); 3-2, minuto 25, Luísa Mayara; 4-2, minuto 27, Dany; 5-2, minuto 28, Lara Balseiro; 6-2, minuto 28, Bea Mateos; 6-3, minuto 29, Jenny Lores; 7-3, minuto 31, Peque; 8-3, minuto 33, Peque; 9-3, minuto 35, Luísa Mayara; 9-4, minuto 36, Laura Uña
ÁRBITROS: Crespo Pardo // Darriba Villamor.
INCIDENCIAS: Partido correspondente á xornada 5, da segunda fase, de Primeira División Feminina disputado no municipal Vista Alegre. O Concello de Burela quixo render homenaxe a Jenny Lores; recibiu a antiga burelista na Bomboneira, como xa ocorreu ao longo da tempada con Ana Romero e Luci Gómez, facéndolle entrega dun detalle conmemorativo do título de liga conquistado en Málaga coa camiseta laranxa.
