Na xornada 7ª da Primeira División Iberdrola FS o Pescados Rubén Burela FS vaise enfrontar ao Torreblanca Melilla CF no Pavillón Municipal Vista Alegre de Burela ás 18:45 horas. O FSF Castro Bloques Cando recibirá un pouco antes, ás 18:00 horas, ao LBTL Futsal Alcantarilla. E o ENCE Marín Futsal empezará o seu partido desta xornada contra o Arriva AD Alcorcón a partir das 19:30 horas por terras madrileñas.
O Pescados Rubén defende o liderado ante un rival complicado, o Torreblanca Melilla que adestra o galego Morenín. Ambos os dous conxuntos están chamados a ocupar postos importantes ao longo da tempada. As de Melilla marchan quintas a un punto das terceiras e segundas (AE Les Corts UBAE e STV Roldán, respectivamente).
Na previa do partido falou a guerreira laranxa Cami sobre a situación actual do Burela e sobre o rival.
Ver esta publicación en Instagram
As lucenses do FSF Castro Bloques Cando teñen ante si unha boa oportunidade de subir na táboa. Mídense a un rival das que so están separadas por dous puntos (cinco teñen as galegas e sete as de Murcia).
Quen ten esta xornada un reto máis complicado é o ENCE Marín Futsal que visita á segundas, Arriva AD Alcorcón. Quince puntos teñen as de Madrid e só catro as de Marín. O conxunto galego precisa puntuar para fuxir dos postos complicados na táboa clasificatoria.
