Visitar a cancha do líder e quitarlle o primeiro posto gañándolle pola mínima (1-2). Eso fixo o Pescados Rubén Burela esta fin de semana ao medirse, na cidade autónoma melillense, ao Melilla Sport Capital Torreblanca.
O conxunto galego do Pescados Rubén Burela arrebatou o liderado esta tarde de sábado ao conxunto do Melilla Sport Capital Torreblanca. Fíxoo ademais na súa casa onde se impuxeron pola mínima cun 1-2. O partido correspondía á xornada 9ª e supuña o ecuador da competición do Grupo B de Primeira División do Fútbol Sala da RFEF. Con este logro, as Guerreiras Laranxas teñen grandes sensacións para chegar á final four da Copa da Raíña. O torneo do K.O. celebrarase en Málaga do 18 a o 20 de decembro próximos.
As de Burela, campioas de inverno
Con 19 puntos, as da Mariña poderán reafirmar a primeira praza, poñendo o broche definitivo a esta primeira volta o vindeiro día 27 de decembro, coa visita de Intersala Promesas a Vista Alegre. O partido, que se xogará ás 12:00 horas corresponde á segunda xornada e estaba pendente de recuperar.
As Guerreiras Laranxas do Burela puxeron o dominio e o perigo e as locais, a defensa e o contragolpe, nun encontro de ritmo trepidante. A porteira xogadora decidiu o resultado, con empate das galegas na continuación e iniciativa nun erro de pase melillense con esa mesma aposta. Coa importante vitoria baixo o brazo, agora a preocupación está en Peque, que tivo que retirarse da pista por molestias nunha coxa, á espera das probas pertinentes.
O Melilla conseguiu adiantarse á contra no minuto 5, cun pase de Lydia a Emily, pegada ao segundo pau. Jozi estivera moi atenta segundos antes precisamente ante a mesma xogadora.
Quixeron recuperar táboas as Guerreiras apertando. A Ale de Paz fóiselle fose a recuperación de Peque.; Avisaron Dany e Cilene e pouco despois volveu a de Neda para estrelar o esférico contra o pau, asistida por Dany. Sobre o ecuador, Sara estivo moi acertada para manter a renda en dúas ocasións mariñás.
Triunfo local 1-0 ao descanso e remontada das da Mariña
A meta local gañou no man a man con Dany tras unha gran chegada pola banda e volveu frear as arremetidas galegas nun disparo afastado de Cami. Rozou o segundo, acto seguido, o Melilla, cun pase longo a Emily, que se lle foi desviado. Bia e Thais puxeron o perigo nos últimos segundos, pero o tempo de descanso chegou co axustado 1-0.
Apostou o conxunto que adestra o técnico Julio Delgado por porteira xogadora no minuto 24 cunha presión asfixiante.
Unha perfecta diagonal de Cilene a Lara Balseiro serviu para devolver as táboas para as galegas, no 25. Bia a punto estivo de volver adiantar o Melilla pero o disparo fóiselle demasiado cruzado (minuto 28). Antes de chegar á medianía do segundo acto, Marcio Santos tamén optou por xogo de cinco e, con todo, a recompensa foi para Burela, cun autogol de Thais nun erro de pase na súa propia área.
Tras a anulación dun gol irregular para as locais de portería a portería, na recta final, Jozi salvou as Guerreiras en dúas prodixiosas intervencións, cunha escuadra moi sólida en defensa que soubo como manter a salvo os tres puntos, provocando a primeira derrota melillense.
FICHA TÉCNICA
MELILLA SPORT CAPITAL TORREBLANCA: Sara, Emily, Lydia, Bia, Thais, cinco inicial; tamén xogaron Fernanda, Julia, Maldonado
PESCADOS RUBÉN BURELA FS: Jozi Oliveira, Cristina, Peque, Cami, M. Cortés, cinco inicial; tamén xogaron Dany, Cilene, Ale de Paz, Bea Mateos, Lara Balseiro, Elena Aragón
GOLES: 1-0, minuto 5, Emily; 1-1, minuto 25, Lara Balseiro; 1-2, minuto 30, Thais ( p. p.)
ÁRBITROS: Ortega Prado // Zoher Mimon. Por Burela amarela para Leti (minuto 14), Peque (minuto 16), Ale de Paz (minuto 40)
INCIDENCIAS: Partido correspondente á xornada 9ª do Grupo B da Primeira División Feminina da RFEF disputado no pavillón deportivo Javier Imbroda da cidade de Melilla.
🟢 Final, final, final en Melilla con victoria naranja. Las #GuerreirasLaranxas salen victoriosas de un encuentro trepidante y de alto voltaje 👏🏾.
¡Vamos #Burela!💪🏾@TorreblancaFS1 1 – 2 @burelafs#Futsal @SomosFutsal #FutsalHeart🧡 pic.twitter.com/QCcBD9vzK0
— Pescados Rubén Burela FS (@burelafs) December 12, 2020
