Ante un contacto directo de parte do plantel do Pescados Rubén Burela FS, o club da Mariña viuse obrigado a activar o protocolo COVID-19.
Parte do plantel que conforma as Guerreiras Laranxas estivo en contacto cunha persoa positiva en coronavirus allea á disciplina do club, polo que as xogadoras cumplirán co illamento protocolario.
As futbolistas afectadas están á espera de coñecer os resultados dos test de control. Mentres, o resto do conxunto adestrará con normalidade.
A xornada 16 de Primeira División, que prevé enfrontar ao Burela co Rayo Majadahonda quedará supeditada á resolución do xuíz da competición da RFEF.
Este será o segundo parón que deban afrontar as laranxas debido á COVID-19. A primeira chegou a comezos deste ano, cun positivo dentro do plantel mariñán.