O HC Borbolla perdeu unha boa ocasión de marcar diferencias cun rival directo como o Girona. No canto de puntuar, as coruñesas caeron derrotadas 5-2 e déronlle folgos ás catalás para incluso aspirar a escapar, na segunda fase da Ok Liga, da loita pola permanencia.
So queda unha xornada para o remate da primeira fase de competición na Ok Liga e o HC Borbolla é colista. As xogadoras que adestra Santi Martínez aguantaron a primeira parte do partido ante o Garatge Plana Girona CH, pero unha vez máis, os minutos finais do partido foron a súa perdición e aumentarona vantaxe das catalás.
Pero a cousa torceuse xa desde antes do pitido inicial para o Borbolla. Sen que empezase a rodar a bóla o cruce xa nacía atravesado para as coruñesas. No quencemento Lucía Yáñez sufría un golpe na cara que precisou atención dos sanitarios. Aínda que a tomatita puido xogar, non o fixo de inicio e deste xeito, xa empezaron as galegas o partido con mal corpo.
E case no arranque mesmo do choque, o HC Borbolla era sancionado cun penalti que transformaba Laura Vall que condicionaba o partido. Nin cinco minutos ían de xogo e xa perdían as galegas 1-0.
GOOOL! De penal de Laura Vall! Min. 19:34
Garatge Plana GIRONA CH 1-0 BORBOLLA pic.twitter.com/l9V6X886J9— Girona Club Hoquei (@GironaCH) January 16, 2021
Seguiron os infortunios para as herculinas coa azul que viu Julia Cabanas e a falta directa que, desta volta, tira Alba Romaguera Camps sen éxito diante de Fernanda Tapia.
Co 1-0 no marcador, Bea Pereira erra unha pena máxima diante de cancerbeira local Virginia Díaz. Pero as de Monte Alto xa se tiñan recomposto e eran outras sobre a pista. O tanto do empate chegaría antes do descanso cun disparo de Lara Yáñez.
Atura VIRGINIA DIAZ!!! Min. 11:03 Seguim!
Garatge Plana GIRONA CH 1-0 HC BORBOLLA pic.twitter.com/VLb4eD6RqS— Girona Club Hoquei (@GironaCH) January 16, 2021
Na segunda parte o partido foi similar ao final da primeira, con ocasións para ambos bandos e as galegas buscando con ansia a meta rival. Nese afán por poñerse por diante as locais souberon aproveitar despistes en defensa que foron sumando goles para o Girona.
Anotaría primeiro Xantal Piqué 2-1, logo Laura Vall (3-1), e despois Estel Forns (4-1). Para as galegas recurtaría Lara Yáñez (4-2), pero o marcador aínda anotaría un tanto máis de Romaguera que sentenciaría o encontro para o bando local.
A boa nova é que o Borbolla non perdeu o golaverage, que segue a ter ao seu favor. “Foi un partido non que ambos os dous equipos nos xogabamos moito e no que nós non estivemos cómodas. Foi un encontro raro”, declaraba o adestrador das galegas Santi Martínez.
O adestrador explicaba que os goles do Girona no final do partido foron “unha mestura de infortunio, algún despiste e que enfronte tiñamos a un equipo que as sabe todas. Saben levar os partidos ao seu terreo para aproveitar a vetería dalgunha das súas xogadoras e ese ‘outro hoquei'”, explicaba.
Santi Martínez, adestrador do Borbolla: “Debemos gañar ao CP Las Rozas”
FICHA TÉCNICA
GARATGE PLANA GIRONA CH: Virginia Díaz, Alba Romagera, Julia Canal e Xantal Piqué – quinteto inicial -. Tamén xogaron: Ona Domenech, Laia Castro, EStel Forns e Mireia Arranz.
HC BORBOLLA: Fernanda Tapia, Julia Cabanas, Lara Yáñez, Fernanda Muñóz e Bea Pereira – quinteto inicial -. Tamén xogaron: Antía Rivadas, Alba Díaz, Marta Vilas e Lucía Yáñez.
GOLES: 1-0 Laura Vall; 1-1 Lara Yáñez; 2-1 Xantal Piqué; 3-1 Laura Vall; 4-1 Estel Forns; 4-2 Lara Yáñez; 5-2 Alba Romaguera.
ÁRBITROS: Raimon Grases Bundo e Pau Ribas Maynou. Cronometradora María Perpinya Fortunet. Sancionaron con cartón azul a Julia Cabanas no HC Borbolla.
INCIDENCIAS: Partido disputado no Pavelló Municipal Palau II correspondente á xornada 13 da Ok Liga Feminina da FEP.