Sen descanso, o BAXI Ferrol afronta este martes o seu segundo partido fóra de casa. Se o domingo as universitarias viaxaban a Logroño, para xogar contra o Campus Promete na reundación da LF Endesa, agora o rival será o Araski en Vitoria, na recuperación da 13ª xornada. O duelo desta tarde terá lugar ás 19:00 horas e será retransmitido polo Canal FEB.
O adestrador das ferrolás, Lino López, asegurou que os ánimos do plantel están baixos despois da derrota da fin de semana, na que as galegas rozaron a vitoria cos dedos. “Despois de ter feito un gran partido e nunhas condicións moi difíciles, anímicamente o equipo quedou fastidiado porque merecía a vitoria”, explicou.
Derrota na prórroga
A 16ª xornada da Liga Feminina Endesa enfrontaba ao BAXI Ferrol co Campus Promete, un conxunto da zona alta da táboa, pero do que as ferrolás foron dignas competidoras.
Durante o partido, ambos conxuntos gozaron de ocasións, alternando o mando e sen un líder claro. Tal era a igualdade sobre a cancha de Logroño que as galegas vencían pola mínima no tramo final do encontro.
Entón, sobrepasadas pola tensión, as visitantes cometeron varios erros defensivos ademais de fallar baixo o aro, o que facilitou que o Campus Promete igualara o marcador. Así, o partido foise a unha prórroga na que o acerto local foi superior e determinou o 86-75 final.
🏀 O @UniFerrol perdeu na pista do @CDPromete
⛹️♀️Partido que tivo na man porque gañaba por 2 puntos a 5″ do final. O equipo rioxano empatou e @TaylorKoenen fallou o lanzamento que lle puido dar o triunfo ao Baxi. Na prórroga as ferrolás non aguantaron o ritmo do rival: 86 a 75. pic.twitter.com/GnhWc9UNzu
— En Xogo tvG2 (@EnXogo_tvG2) January 10, 2022
Coa vista posta no Araski
Para deixar a dura derrota atrás, as xogadoras adestradas por Lino López deberán facer fronte a “un equipo moi físico, cunha rotación longa, que sempre saca vantaxes das súas xogadoras e, aínda que as súas referencias en anotación e xogo son Leia Dongue e Tanaya Atkinson, ten un plantel moi amplo e, tacticamente, é un equipo moi ben traballado”.
Así definía o adestrador ao Araski, quen ademais “vén de descansar xa que non tivo xornada este domingo e, polo tnato, dispón de máis tempo para recuperarse, polo que pode ser un partido complicado”.
Con todo, tal e como recolle o BAXI Ferrol, López asegura estar “moi orgulloso do traballo do equipo e do esforzo que están realizando as xogadoras e estou seguro de que todas van dar o máximo neste partido”.
Con más ganas que nunca. Esta tarde hay #LFEndesa
🏀 @Araski – BAXI Ferrol
🕖 19:00h
🏟️ Mendizorroza
📺 Canal FEB: https://t.co/cXd9HPm1U2#SienteElUni#humildadytrabajo pic.twitter.com/g6P3Vf4AB0— Baxi Ferrol (@UniFerrol) January 11, 2022
