A duodécima xornada de Liga Feminina 2 chegaba a Navia, feudo onde as celestes estaban invictas, co derbi galego entre os dous mellores equipos da categoría: Celta Zorka Recalvi e BAXI Ferrol. Un partido moi igualada, que decidiuse nos minutos finais con victoria para as ferrolás, que seguen como líderes da categoría.
Foi necesaria unha remontada no último cuarto para que o BAXI Ferrol mantivese o seu pleno de vitorias desta tempada. O Celta aguantou no marcador durante 35 dos 40 minutos do partido e, con esta derrota, cae do podio no que ocupaba a segunda posición desde a terceira xornada.
Un pulso entre Celta e BAXI
Se hai que destacar algo do derbi galego, sería a igualdade que mostraron sobre a pista as xogadoras de ambos conxuntos. O BAXI está acostumado a vitorias cunha ampla diferenza sobre as súas rivais (gañou todos os partidos menos dous por máis de 30 puntos), así que o Celta demostrou ser un rival da súa altura.
Pola súa banda, con algúns tropezos, o cadro celeste chegaba na segunda posición, sempre por detrás das ferrolás, polo que este partido se presentaba como unha declaración de intencións.
As locais comezaron marcando o ritmo e deixando claro que non ían ser un rival ao que pasar por riba. O encontro iniciabase cun parcial 7-0 a favor das xogadoras de Crisitina Cantero, que foi respondido polo conxunto de Lino López. Outro parcial, desta vez cun 5-7 achegaba o empate co que finalizaría o primeiro cuarto, 15-15.
No segundo cuarto, as celestes fixéronse fortes en defensa, mentres aproveitaban as debilidades do rival para anotar tantos que as adiantaban no electrónico. O cadro ferrolán non se viña abaixo e seguía apretando, cunha defensa de 2×1 para agotar ás locais e logrando un empate a 26. Nos últimos minutos antes do descanso, as olívicas asinaron un parcial 11-3 que lles permitiu sumar unha vitoria de oito puntos para a pausa.
Á volta de vestiarios, o conxunto vigués resistía os ataques do BAXI con éxito. As de López achegábanse cada vez máis no marcador, pero sen lograr adiantarse. Só a forte defensa do Celta impediu que a dez minutos do final, as ferrolás foran por diante.
Últimos minutos cruciais
Finalmente, a vitoria visitante chegou no último cuarto. O equipo departamental tomou a iniciativa e afogou ás locais, logrando adiantarse a falta de seis minutos de partido. Un maior acerto desde a liña de tres e os erros desde o tiro libre do cadro dirixido por Cantero fixeron que o Celta non soubese reaccionar.
Os últimos dous minutos marcaban unha distancia de dez puntos entre viguesas e ferrolás. Oito puntos consecutivos de Irene Garí lograban un parcial 2-14, decantando a vitoria para as visitantes. O resultado final: 60-71.
#DisfrutardelCamino
Enorme trabajo de EQUIPO hoy, seguimos! pic.twitter.com/kYuMVjWe5I— Irene Gari (@IreneGari) December 13, 2020
Davydova, MVP do derbi
Malia a derrota, un dos signos do bo xogo celeste foi a valoración obtida por Margarita Davydova. A interior rusa logrou 20 créditos valorativos, con 15 tantos anotados (a máxima anotadora do duelo) e oito rebotes.
No lado visitante, Aniina Aijanen colcouse como a segunda mellor xogadora da cita, con 16 puntos de valoración tras asinar 13 tantos e catro rebotes.
En liñas xerais, foi tamén un partido igualado dentro de cada equipo, con ocasións fronte ás canastras para case todas as xogadoras e puntos moi repartidos en ambos planteis
Dous duelos galegos máis para a seguinte xornada
Despois deste gran encontro entre dous conxuntos de moi alto nivel, chamados a rematar nas primeiras posicións e, probablemente, estar en Liga Femenina Endesa a tempada que vén, Celta e BAXI enfróntanse a outras galegas.
As celestes viaxan á Coruña para enfrontarse ao Maristas Coruña, o sábado 19 ás 20:30 horas. Pola súa banda, as ferrolás quedan na casa para recibir ao Ulla Oil Rosalía. Esta xornada marcará a fin da primeira volta.
FICHA TÉCNICA
60) CELTA ZORKA RECALVI: Mariona Martín (4), Celia García (6), Rose Marie Julien (13), Maja Stamenkovic (8), Marita Davydova (15) -cinco inicial-. Tamén xogaron: Noa Comesaña (2), Lucía Fontela (1), Clara Prieto (3) e Angela Coello (8).
71) BAXI FERROL: Laura Fernández (-), Geraldyn Leaupepe (7), Irene Garí (11), Jenna Allen (10) y María Aijanen (13) –cinco inicial-. Tamén xogaron: Patricia Cabrera (-), Julieta Mungo (4), Patricia Benet (9), Natalia Rodríguez (7), Andrea Boquete (3) e Sune Swart (7).
PARCIAIS: 15-15, 22-14, 13-16 e 10-26.
ÁRBITROS: Adrián Álvarez e Daniel López. Sinalaron un total de 17 faltas ao Celta Zorka Recalvi e 20 ao BAXI Ferrol.
INCIDENCIAS: Partido correspondente á xornada 12 da Liga Feminina 2, disputado na pista polideportiva do complexo municipal de Navia (Vigo), a porta pechada.
