A xunta directiva do BAXI Ferrol conta con catro caras novas. Son catro mulleres que pasan a formar parte do órgano de goberno do club universitario: Bárbara Donapetry, Ana María García, Celeste Morado e Gloria Sande.
Desta forma, a xunta do equipo de baloncesto ferrolán queda formada por oito mulleres e oito homes. Xunto a estas novas incorporacións, o BAXI anunciou a designación de Almudena Marcos como nova vicepresidenta da entidade.
Reestructuración e plan de futuro do BAXI
Con esta nova, o club tomou a decisión de estructurar o seu consello directivo en distintas áreas de traballo, para facer así máis efectiva a xestión futura do equipo que actualmente milita na Liga Feminina 2.
Detrás destas transformacións está unha vontade de “dar un xiro á maneira de dirixir a entidade”, informan desde o BAXI. Desde Ferrol expresan que, malia a situación actual causada por mor da pandemia, esperan que “moi pronto se poidan facer visibles esas variacións”.
Segundo informan desde o BAXI Ferrol, quérese “Dar un xiro á maneira de dirixir a entidade”
O futuro do BAXI Ferrol pasa por crear un proxecto máis sostible e buscar maior apoio nas empresas e na masa social, “á espera de que o equipo intente conseguir o ascenso á Liga Feminina Endesa, para que a comarca poida volver desfrutar da máxima categoría do baloncesto feminino español”.