A Liga Feminina 2 segue e o BAXI Ferrol non ten ganas de parar. As ferrolás viaxarán nesta décimo sétima xornada ás Illas Canarias, onde se enfrontarán ao Vega Lagunera Adareva Tenerife o próximo domingo, 24 de xaneiro, ás 12:00 hora insular, no Complexo Deportivo Islas Canarias.
As galegas afrontan este partido da 17ª xornada da Liga Feminina 2 (LF2) coa confianza e seguridade que da levar un pleno de vitorias esta tempada. As ferrolás non teñen rival e xa gañaron o partido de ida, no que resultou nun resultado contundente ao puro estilo do BAXI deste curso.
Cómoda vitoria do BAXI Ferrol ante o Vega Lagunera Adareva Tenerife
O BAXI é o equipo máis duro para os seus rivais
Este non será un encontro nada doado para o Vega Lagunera Adareva Tenerife. Cun balance de oito vitorias e oito derrotas, as locais deberán dalo todo na pista para poñer ao BAXI contra as cordas.
Os equipos de altura non son a especialidade das canarias. Na xornada anterior xa caeron ante o Osés Construcción Ardoi, segundo clasificado na LF2, aínda que pelexaron con unllas e dentes.
Para este partido, Antonio Cañamero non poderá contar con Alba Peña, que padece dúas hernias discais que a deixan fóra da convocatoria por baixa. A escolta xa comezou o proceso de recuperación pero non ten data para volver ás pistas. Tamén será baixa Miriam González, quen mancouse durante unha sesión de adestramento e volverá ao traballo en función da súa evolución.
Quenes si estarán son xogadoras como Alima Dembelé, que suma 324 puntos de valoración, e as súas compañeiras Noelia Ibáñez e María Luque. Porén, entre as filas do BAXI haberá unha ex das canarias. Laura Fernández está disputando a súa primeira tempada coa camisola das universitarias.
O conxunto canario está na zona morna da táboa clasificatoria, sen atrancos para salvar a categoría e con pouquiñas opcións para meterse na fase de ascenso.
Con los test negativos en la mochila, a Tenerife nos vamos.
Nos vemos el domingo @CBADAREVA 👋🏻 https://t.co/Drg3YoJp5o
— Baxi Ferrol (@UniFerrol) January 22, 2021
No BAXI Ferrol, Lino López poderá dispór de todas as súas xogadoras salvo a coñecida baixa de Jenna Allen. Non poderá contar aínda coa norteamericana Brooke Salas que ten prevista a súa chegada á cidade departemental mañá domingo 24, o día do partido.
Ao respecto do Vega Lagunera Adareva Tenerife, Lino López apuntaba que se trata dun rival “con moi poucas rotacións”. Tamén destacou que acusa baixas “importantes como a de Alba Peña, pero que non baixou o seu rendemento”.
Na opinión do adestrador do BAXI Ferrol, o tinerfeño é un “equipo ben traballado e perigoso. Conta cunha xogadora como Dembelé que é das mellores do grupo”, advirte.
Nas aspiracións das ferrolás está seguir ofrecendo na cancha un alto nivel defensivo. Lino López declaraba a este respecto que tentarán “como facemos sempre, someter a un gran desgaste ao rival e seguir medrando como equipo para tratar de sumar unha nova vitoria”.
Lino López, adestrador do BAXI Ferrol: “O Vega Lagunera Adareva Tenerife é un equipo ben traballado e perigoso. Conta cunha xogadora como Dembelé que é das mellores do grupo”
A semana de traballo “foi boa”, segundo explicaba o adestrador das galegas. “Tivemos unha grande intensidade e Anniina xa puido adestrar con normalidade. A semana previa sufrira unha pequena escordadura. Aínda non podemos contar con Brooke, xa que atrancos cos voos fan que non chegase aínda”.
Lino López, adestrador do BAXI Ferrol: “Como facemos sempre, tentaremos someter a un gran desgaste ao rival e seguir medrando como equipo para tratar de sumar unha nova vitoria”
Como noutras ocasións, encontro entre as xogadoras de La Laguna e as de Ferrol poderá seguirse vía streaming no Canal FEB.
