O BAXI Ferrol segue invencible e non ten quen o pare. O seu seguinte rival na Fase Final da LF2 será o UCAM Primafrío Jairis, contra o que as ferrolás buscarán a segunda vitoria da fase de ascenso. O partido será o sábado, 10 de abril, ás 11:00 horas.
“Nós temos que pensar en nós, facer un traballo e continuar coa maneira de xogar que nos trouxo ata aquí”, declarou o adestrador Lino López, que prefire poñer o foco nelas mesmas en lugar de centrarse no rival.
Por iso, o máis importante para as galegas será facer gala das súas señas de identidade, cunha defensa moi presionante, un alto ritmo de partido e un xogo que, en definitiva, desgaste ao Jairis co paso dos minutos.
Os nomes propios do encontro
O contrincante das galegas nesta xornada será un conxunto con moito potencial e con xogadoras de gran experiencia, entre as que se atopan caras coñecidas no club da cidade departamental, como Marta Miscenkko ou Marta Tudanca. Outra peza clave do xogo do Jairis é a norteamericana Breedlove, unha xogadora desequilibrante e perigosa para o BAXI, ou De Souza, outra baloncestista importante.
Ademais, unha xogadora do club galego, Dynn Leaupepe atoparase sobre a pista coa súa irmá, Lynn Leaupepe, no que seguro será un partido moi emocionante para as dúas xogadoras.
En palabras de Lino López, o Jairis “ten xogadoras con moita experiencia e con moita calidade e algunha bastante determinantes”.
O encontro poderá seguirse vía streaming a través do Canal FEB.
O BAXI vese apoiado desde a base
O BAXI está a un paso de ascender á LF Endesa, e recibe todo o apoio das súas compañeiras da base.
Desde Ferrol, las “minis” de Laura Fernández le desean suerte en esta Fase de Ascenso #familiauniferrol #baxiferrol #FaseAscensoLF2 pic.twitter.com/Pz4x03xsO2
— Baxi Ferrol (@UniFerrol) April 9, 2021
