Despois dunha contundente vitoria contra o HGB Ausarta Barakaldo EST, por unha diferenza de 30 puntos, as xogadoras do Baxi Ferrol queren máis e buscan continuar coa boa racha de vitorias que están a lograr esta tempada. A próxima cita, contra o Magec Tías “Contra la Violencia de Género” será o domingo, 15 de novembro, ás 11:30 hora canaria, no pavillón municipal de Tías.
Cunha valoración media das súas xogadoras superior aos 100 puntos, o equipo ferrolán está a ser o líder indiscutible da Liga Feminina 2. O Baxi Ferrol acumula xa máis de 500 puntos anotados a favor; unha diferencia moi superior ao Celta Zorka Recalvi, en segunda posición e con 350 puntos marcados.
Para este encontro, Lino López non poderá contar coa finlandesa Anniina Äijänen. A pívot foi convocada pola súa selección para os partidos do Pre europeo do xoves, no que a xogadora anotou seis puntos e conseguiu dous rebotes, e do sábado. Porén, o adestrador si terá entre as súas filas a outa pívot, a estadounidense Jenna Linn Allen, que leva unha valoración media de 20 puntos neste curso.
No fue un buen día para Anniina Äijänen y Finlandia en la clasificación para el Eurobasket 2021.
Derrota por 84 a 66 ante Ucrania, con 6 puntos y 2 rebotes de @AijanenAnniina en 14 minutos de juego.
El sábado nueva oportunidad ante Portugal. pic.twitter.com/vw3eZJ0FfR
— Baxi Ferrol (@UniFerrol) November 12, 2020
O rival do Baxi Ferrol, o Magec Tías, tentará escapar dos postos de descenso
Así, as ferrolás enfrontaranse a un Magec Tías que acadaba a súa primeira e única vitoria da tempada, cun resultado moi axustado na xornada 5ª, contra a Agrupación Deportiva Baloncesto Avilés (62-59). Despois diso, as canarias volveron perder na xornada 6ª.
Neste cruce coas galegas tentarán retomar a senda da vitoria para escapar dos postos de descenso aumentando a súa puntuación, que agora as sitúa na décima posición con pouco máis da metade de puntos que o Baxi Ferrol.
O partido terá que celebrarse sen público, pero a afección poderá seguir o encontro a través do canal FEB na seguinte ligazón: MAGEC TÍAS VS BAXI FERROL
