Unha xornada máis, o Baxi Ferrol está a ser o líder absoluto da Liga Feminina 2. Cun pleno de vitorias no seu haber, a última vítima do bo xogo das ferrolás foi o Magec Tías “Contra la Violencia de Género”, na sétima xornada de competición, no que as visitantes se impuxeron cun resultado final de 35-91 no marcador.
A baixa da finlandesa Anniina Äijänen, convocada pola súa selección para os partidos do Pre europeo, non foi un obstáculo para o Baxi Ferrol. Xa nos primeiros catro minutos as de Lino López marcaron o ritmo de xogo cun rápido 0-14. Así, o primeiro parcial rematou cun 5-26 que faría imposible a remontada local. Unha superioridade que quedou demostrada no seguinte cuarto, cun electrónico que ao descanso marcaba o 17-55.
Á volta do descanso o Magec subiu o ritmo e viviuse o tempo máis igualado do encontro. As locais comezaban a recortar ditancias, logrando un 12-13 que foi completamente sepultado no último parcial.
As ferrolás volveron coller o mando do partido, asinando un cuarto parcial 6-23, sentenciando o encontro nun contundente 35-91. A pívot estadounidense Jenna Linn Allen foi a xogadora mellor valorada do encontro, con 22 puntos grazas ao seu acerto fronte ao aro, sendo a máxima anotadora con 17 tantos, 5 rebotes e 6 asistencias.
As canarias Natalia Rodríguez, Patri Cabrera e Dynn Leaupepe tamén sobresaíron no xogo do Baxi, todas elas anotando máis de 10 puntos por cabeza.
FICHA TÉCNICA
35) MAGEC TÍAS: Esther Medina (-), Samira Olano (3), Carolina Mateo (12), Andrea Rodríguez (2), Esperanza Delgado (5) – quinteto inicial -. Tamén xogaron: Alba Rodríguez (-), Iranzu Drake (5), Daniela Bercedo (2), Natalia García (-), Nereida Bermúdez (-), Noelia Lago (6) e Mirela Riolo (-).
91) BAXI FERROL: Laura Fernández (2), Irene del Rebollet Gari Gilaber (15), Geraldynn Leaupepe (13), Jenna Allen (17), Sune Swart (9) María Anniina Aijanen – quinteto inicial -. Tamén xogaron: Patri Cabrera (15), Julieta Mungo (2), Patricia Benet (2), Natalia Rodríguez (12) e Andrea Luciana Boquete (4).
PARCIAIS: 5-26, 12-29, 12-13 e 6-23.
ÁRBITROS: Julio Rijo e Marcos Silva
INCIDENCIAS: Partido correspondente á sétima xornada da Liga Feminina 2 disputado no pavillón municipal de Tías en Lanzarote (Las Palmas)
