Resultados dispares para os conxuntos galegos que militan na Liga Feminina 2 de Baloncesto. A sorte sorríu ao Celta Zorka Recalvi e o Baxi Ferrol, pero foi esquiva co Arxil e a AD Cortegada.
O Baxi Ferrol gaña sen presión ante o colista
O conxunto ferrolano conseguiu un triunfo doado ante o C.B. Pozuelo UFV no pavillón da Malata. Na metade do encontro, o Baxi deixou sentenciado o marcador pero o Pozuelo intentouno ata o remate e non puideron sumar a súa primeira victoria na táboa. Os puntos foron repartidos entre todas as xogadoras do Baxi pero a canaria, Patri Cabrera destacou anotando cinco triples dos sete intentos. Kapor, Swart, Leauppe y Allen levaron as nosas ó 96-52. As ferrolanas preparan xa o próximo partido, o segundo derbi galego, contra o Arxil.
PARCIAIS:
20-12, 33-11, 22-14 y 21-15
A AD Cortegada non logrou poñerse por diante no marcador
Escapóuselle o triunfo á AD Cortegada diante o Laboratorios Ynsadiet Leganés por un 55-76. Un encontro pelexado xa que no segundo cuarto coa lesión da estadounidense Imani Ty Leah Tate, o Leganés perdeu o rumbo a hora de atacar pola zona 2-3 das de Pontevedra. Gañaron o terceiro cuarto pero a defensa ofensiva do rival deron a máxima ventaxa o marcador. Foron eliminadas as xogadoras locais a Tyra Jones e Patricia Vicente por cinco persoais e a visitante Lina Pikcuite tras recibir a segunda antideportiva, tamén Kristina Rakovic pola segunda técnica e quinta falta.
PARCIAIS:
3-19, 21-11, 18-20, 13-26
As pontevedresas do Arxil encadean unha mala racha
Sexta derrota consecutiva para o Arxil na súa visita ao Alcobendas (93-54), aspirante a desputar o play off de ascenso. Ás de Pontevedra competiron en igualdade ante o conxunto madrileño ata o comezo do terceiro cuarto, momento no que se afastaron no marcado quedándose sen opcions. Un tiro de tres de María Lago inagurou o encontro pero as locais enseguida deron a volta ao marcador para irse por diante no primeiro cuarto (21-15). Os erros de lanzamentos das arxilistas foron maiores superiores o rival e as de Mayte Méndez caeron por 39 puntos de diferencia.
PARCIAIS:
21-15, 16-14, 29-8, 27-17
O Celta volve a gañar na pista do Pez Volador
A pesar de ter un partido menos, o Celta Zorka Recalvi levaba sen ver a victoria dende a xornada catro (66-82). As de Cristina Cantero marcaron un punto de inflexión e devolveu a alegría o vestiario tras a pesada carga. A pesar de xogar nunha cancha complicada (o invencíbel Sinergia Real Canoe N.C.), as vigueras tiveron un xogo alternativo. O que fixo ser as dominantes durante todo o partido no marcador. As celestes estiveron moi concentradas e non outorgaron ningún respiro o rival.
PARCIAIS:
18-21, 16-18, 17-21, 15-22.
